ސްޓޭޓް އިލްކެޓްރިކް ކޮމްޕެނީ ލިމިޓެޑް ( ސްޓެލްކޯ) ގެ ކަސްޓަމާ ސާވިސް ޕޯޓަލް "ވަށަނި" އިފްތިތާހްކޮށްފިއެވެ.

މި ޕޯޓަލް އަކީ ޒަމާނީ ފަސޭހަ ތަކާއެކު ސްޓެލްކޯގެ ކަރަންޓާއި ގުޅުންހުރި ހުރިހާ ހިދުމަތަކަށް އެދެވޭ ގޮތަށް ފަރުމާކޮށްފައިވާ ޕޯޓަލްއެކެވެ.

މި ޕޯޓަލް އިފްތިތާހްކޮށްދެއްވާފައިވަނީ، ސްޓެލްކޯގެ ޑެޕިއުޓީ މެނޭޖިން ޑިރެކްޓަރ ޑރ. އަލީ އަޒުވަރުއެވެ.

ޙިދުމަތްތައް ވަށާޖެހި، ފަސޭހަކަމާއެކު، އެއްތަނަކުން ލިބެން މި ޕޯޓަލްގައި ހުރިއިރު، މި ޕޯޓަލްގައި އީފާސް މެދުވެރިކޮށް ފަސޭހަކަމާއެކު، ރައޖިސްޓަރީ ކޮށްލެވޭނެއެވެ. އަދި ޔޫ.އާރް.އޭ ގެ އިލެކްޓްރިކަލް އިންޖިނިއަރިންގ ލައިސަންސް އޮންނަ ފަރާތްތަކަށް، އެ ފަރާތެއްގެ ނަމުގައި ހުށަހެޅޭ ޚިދުމަތްތަކުގެ ފޯމުތައް ބަލައިގަނެ، އެޕްރޫވް ކުރުމުގެ ފުރުޞަތު ވެސް ލިބިގެންދާނެއެވެ.

މީގެ އިތުރުން ރާއްޖެއާއި ރާއްޖެއިން ބޭރުން ޕޯޓަލް މެދުވެރިކޮށް ކަރަންޓުގެ ހިދުމަތްތަކަށް އެދުމާއި ފައިސާ ދެއްކުމުގެ ހިދުމަތްތަކުގެ އިންތިޒާމް ވަނީ ހަމަ ޖައްސާފައެވެ. އަދި ހުށަހަޅާފައިވާ އެޕްލިކޭޝަންތަކުގެ މައުލޫމާތާއި، ކުރިން ހޯދާފައިވާ ހިދުމަތްތަކުގެ ތަފްސީލުގެ އިތުރުން، ހިދުމަތްތަކުގެ މަރުހަލާތައް ކުރިއަށްދާގޮތުގެ އަދާހަމަ މައުލޫމާތު އެސްއެމްއެސް މެދުވެރިކޮށް ފޯނަށް ލިބޭގޮތް ވަނީ ހަދައިފައެވެ.