މި މަހު 31 ރަށަކަށް އެމްބިއުލާންސް ފޮނުވާނެ ކަމަށް ހެލްތް މިނިސްޓަރު ޢަބްދުﷲ ނާޒިމް އިބްރާޙިމް ވިދާޅުވެއްޖެ އެވެ.

އެމްބިއުލާންސް ނެތް ރަށްރަށާއި އެމްބިއުލާންސް ހަލާކުވެފައިވާ ރަށްރަށަށް އެމްބިއުލާންސް ފޮނުވުމަށް ޚާއްސަ އިސްކަމެއް ދީގެން ސަރުކާރުން ދަނީ މަސައްކަތް ކުރަމުންނެވެ. ރަށްރަށުގައި އެމްބިއުލާންސް ނެތުމުގެ ސަބަބުން ކުއްލި ފަރުވާ ބޭނުންވާ ހާލަތްތަކުގައި ބަލިމީހުން ސިއްހީ ފަރުވާ ދޭ މަރުކަޒުތަކާ ހަމައަށް ގެންދިއުމުގައި ބޮޑެތި ދަތިތައް ކުރިމަތިވެއެވެ.

މިއަދު އޮތް ނޫސްވެެރީންގެ ބައްދަލްވުމުގައި މިނިސްޓަރު ޢަބްދުﷲ ނާޒިމް އިބްރާޙިމް ވިދާޅުވީ މިދިޔަ މަހު 56 ރަށަކަށް އެމްބިއުލާންސް ފޮނުވާފައިވާ ކަމަށެވެ. އަދި ދެ ބުރަކަށް ބަހާލައިގެން މި މަހު 31 ރަށަކަށް އެމްބިއުލާންސް ފޮނުވާނެ ކަމަށެވެ.

އެގޮތުން އަންނަ ހަފްތާގައި 14 ރަށަކަށް އެމްބިއުލާންސް ފޮނުވާން އޮތީ ތާވަލުކޮށްފަ އެވެ. އޭގެ ފަހުން މި މަހުގެ ފަހުކޮޅު 17 ރަށަކަށް އެމްބިއުލާސް ފޮނުވާނެ އެވެ.

އެމްބިއުލާންސްތައް ރާއްޖެ ގެނެސް ރަށްރަށަށް ފޯރުކޮށްދިނުމުގެ މަސައްކަތް ހަވާލުކޮށްފައިވަނީ އެމްޕީއެލްއާ އެވެ.