ENGLISH

04 އޭޕްރީލު 2025

Advertisement

ދުނިޔޭގެ ތާރީޚުގައި އެންމެ މުއްސަނދި މީހަކީ ކާކުކަން އެނގޭތަ؟

01 ޑިސެމްބަރު 2024

|

ފަޒީލް ޢަބްދުލް ލަތީފު

މަންސާ މޫސާ- ފޮޓޯ: އެފްރިކާ ހިސްޓްރީ

ދުވަސްވަރަކީ ޔޫރަޕުގެ ގިނަ ސަރަހައްދު ތަކުގައި ވަރުގަދަ ދާހިލީ ހަނގުރާމަ ތަކެއް ކުރަމުން ދިޔަ ދުވަސަވަރެކެވެ. އަނެއްކޮޅުން އިސްލާމީ ހަޟާރަތްތަކުންދިޔައީ އެކިއެކި ރޮނގުތަކުން ކުރިއެރުންތައް ހޯދަމުންނެވެ. 1280  ވަނަ އަހަރު ދުނިޔެއަށް އުފަންވި މަންސާ މޫސާ އަކީ 1312 -1337 އަށް ހުޅަނގު އެފްރިކާގައި އެންމެ ވަރުގަދަ ރަސްކަމެއް ކުރި ރަސަކަލެވެ. އަދި ދުނިޔޭގެ ތާރީހު ދިރާސާ ކުރާ ފަރާތްތަކުން އިއްތިފާގު ވާގޮތުގައި ދުނިޔޭގެ ތާރީހު ދުއް އެންމެ މުއްސަނދި މީހާއެވެ.

'ދަ ގޯލްޑެން ކިންގް" ގެ ނަމުން އެޒަމާނުގައި މުޅި ދުނިޔެއަށް މަޝްހޫރު ވެފައިވާ މަންސާ މޫސާ އަށް ރަސަކަން ވާރުތަވީ އޭނާގެ ބޭބެ އެޓްލާންޓިކް ކަނޑުގެ އަނެއް ފަރާތް ދިރާސާ ކުރުމުގެ ޝައުގު ވެރިކަމުގައި 2000 ނަވާ އެއްކޮށް ފެށި ދަތުރަށްފަހު އަނބުރާ ނާދެވުމުގެ ސަބަބުންނެވެ. މަންސާގެ ރަސްކަމުގައި އިތުރު ބިންތައް ފަތަހަކޮށް ރަސްކަންވަނީ 2000 މޭލުގެ ސަރަހައްދަކަށް ފުޅާ ކޮއްފައެވެ. މިސަރަހައްދުގައި މިޒަމާނުގެ 11 ގައުމު އެކުލެވިގެންވެއެވެ. މިބިންތަކަކީ ރަން އަދި ލޮނުގެ ގޮތުން ވަރަށް މުއްސަނދި ބިންތަކެކެވެ. އެދުވަސްވަރު ދުނިޔޭގެ ރަނުގެ ރިޒާވްގެ ދެބައިކޮށްފަ އެއްބައި ކޮންޓްރޯލް ކުރީ މަންސާ މޫސާއެވެ.

ޓިމްބުކްޓޫ ސިޓީ ގެ ބައެއް އިމާރާތްތަައް މިހާރު ހުރިގޮތް- ފޮޓޯ: ދަ އެފްރިކަންޝުޖާ

މަންސާ މޫސާ ވަނީ ޒަމާނީ 24 ސިޓީއެއް ތަރައްގީ ކޮއްފައެވެ. މީގެތެރެރެއިންވެސް އެންމެ ފާހަގަ ކޮއްލެވެނީ ޓިމްބުކްޓޫ ސިޓީ އެވެ. ޓިމްބުކްޓޫ އަކީ އެޒަމާނުގައި ތައުލީމާއި ތަމައްދުމުގެ ރޮނގުން އެންމެ ކުރިއަރާފައިވާ ސިޓީއެވެ. މިހާރުވެސް މިސިޓީގައި މަންސާ މޫސާގެ ޒަމާނުގައި ބިނާކުރި އެތަކެއް އިމާރާތްތަކެއް ފެންނަން އެބަހުއްޓެވެ.

މަންސާ މޫސާ ހައްޖުގެ އަޅުކަން އަދާކުރަން ކަޑައްތުކުރި ދަތުރުގެ މަގު- ފޮޓޯ: އެފްރިކަން ހިސްޓްރީ އެކްސްޓްރާ

މަންސާގެ މުއްސަނދިކަން ދުނިޔެއައް ފެނިގެންދިޔައީ 1324 ވަނައަހަރު އޭނާ މައްކާ އަށް ކުރި ހައްޖު ދަތުރުންނެވެ. ދިރާސާ ކުރާފަރާތް ތަކުން އިއްތިފާގުވާގޮތުގައި މިދަތުރަކީ ދުނިޔޭގެ ތާރީހުދުށް އެންމެ ޚައިބަތު ބޮޑު އެއްދަތުރެވެ. ދެއަހަރު ދުވަހަށް ދެމިގެންދިޔަ މިދަތުރުގައި 60000 މީހުން، 100 އެތް އަދި 80 ޖަމަލު ބައިވެރިވިއެވެ. މިދަތުރުގައި މަންސާ ވަނީ 24 ޓަނުގެ ރަން މިސްކީނުންނާއި ފަގީރުނޮނަށް ސަދަގާތް ކޮއްފައެވެ. މިކަމުގެ ސަބަބުން އެސަރަހައްދުގައި ރަނުގެ އަގު ވަނީ 12 އަހަރުގެ މުއްދަތަކަށް ދަށަށް ގޮސްފައެވެ. މަންސާގެ ދަތުރު 2 އަހަރު ދުވަހަށް ދެމިގެން ދިޔެ އިރު އޭނާ ވަނީ އެމުއްދަތުގައި ކޮންމެ ހުކުރު ދުވަހެއްގައި އޭނާ މަޑުކުރާ ސަރަހައްދެއްގައި މިސްކިތެއް ބިނާ ކޮއްފައެވެ. މިގޮތުން އޭނާ ވަނީ 100 އަށް ވުރެ ގިނަ މިސްކިތް ބިނާ ކޮށްފައެވެ.

މަންސާ މޫސާގެ ގާފިލާ. ފޮޓޯ: އެފްރިކަން ހިސްޓްރީ އެކްސްޓްރާ

ރެކޯޑްތަކުން ދައްކާގޮތުން މަންސާގެ މުއްސަނދިކަން 1 ޓްރިލިއަން ޑޮލަރައްވުރެ މައްޗަށް އަރައެވެ. އެހެންނަމަވެސް ޢޭނާގެ މުއްސަނދި ކަމުގެ ފުރިހަމަ އަންދާޒާއެއް ކޮއްލަންވެސް ނޭނގޭހާ އޭނާ މުއްސަނދި ކަމަށް ، ތާރީހު ދިރާސާ ކުރާފަރާތެއް ކަމަށްވާ އެމެރިކާގެ ޔުނިވާސިޓީ އޮފް ކެލިފޯނިއާގެ ޕްރޮފެސާ ރުޑޮލްފް ބަޗް ވާރޭ ވަނީ ފާހަގަ ކޮއްފައެވެ.

މަޣްރިބުކަރައިގެ މަޝްހޫރު ދަތުރުވެރިޔާ އަދި ލިޔުންތެރިޔާ އިބްން ބަތޫތާ އޭނާގެ ލިޔުންތަކުގައި ބުނެފައިވަނީ މަންސާ މޫސާއަކީ ދީލަތި، ހިތްތިރި، ވިސްނުންތޫނު އަދި އޭނާގެ ވާހަކަތައް ޒަމާންތަކަށް ދެމިގެންދާނެ އިންސާފުވެރި ރަސްކަލެއްކަމުގައެވެ.   

ކިޔުންތެރިންގެ ހިޔާލު
04 ޑިސެމްބަރު 2024

މާހިރު ·

މައުލޫމާތު މުއްސަނދި މޮޅު ލިޔުމެއް.