ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ) އިން މިދިޔަ ހޮނިހިރު ދުވަހު ކުރިޔަށް ގެންދިޔަ ގޮނޑުދޮށް ސާފުކުރުމުގެ ހަރަކާތުގައި 2.1 ޓަނުގެ ކުނި ނަގައިފައިވާ ކަމަށް އެ ކޯޕަރޭޝަން އިން ބުނެފިއެވެ.

މި ހަރަކާތް ކުރިއަށް ގެންގޮސްފައިވަނީ ހުޅުމާލެ ފޭސް އެކަކާއި ފޭސް ދޭއްގެ ބީޗް ގުޅޭ ބްރިޖް ސަރަހައްދުގައެވެ.

އެޗްޑީސީން މި ހަރަކާތުގައި ނެގި ކުނީގެ ތަފްސީލް:

ހުޅުމާލޭ ގޮނޑުދޮށް ސާފުކުރުމުގެ ހަރަކާތުގެ ތެރެއިން: ފޮޓޯ: އެޗްޑީސީ

ގޮނޑުދޮށް ސާފުކުރުމުގެ މި ހަރަކާތުގައި ނެގި އެހެނިހެން ކުނީގެ އަދަދު ވަނީ 1.6 ޓަނަށް އަރައިފައެވެ.  މި ހަރަކާތް ނިމުނުއިރު 2،122.7 ކިލޯ (2.1 ޓަނު) ގެ ކުނި ނަގާފައިވާ ކަމަށް އެޗްޑީސީން ވަނީ ބުނެފައެވެ.

މި ހަރަކާތުގައި ނެގި ކުނިތައް ވަކިކުރުމުގައި އެހީތެރިކަން ފޯރުކޮށް ދިން، މޮޕާ މޯލްޑިވްސް އާއި ޕާރލޭގެ އިތުރުން ރިޕަލް އެފެކްޓް އަށް އެޗްޑީސީން ވަނީ ޝުކުރު އަދާކޮށްފައެވެ.

ހޮނިހިރު ދުވަހު އެޗްޑީސީން އިސް ނަގާގެން ކުރިއަށް ގެންދިޔަ ގޮނޑުދޮށް ސާފުކުރުމުގެ ހަރަކާތުގައި ސަރުކާރުގެ ގިނަ މުވައްސަސާތަކާއި އެކި ޖަމިއްޔާތައް ވަނީ ބައިވެރިވެފައެވެ.