ENGLISH
04 އޭޕްރީލު 2025
ޠާއިފުގައި ޢަމަލުކުރެވޭ ދަނޑުވެރިކަމުގެ އުސޫލުތަކުން ގިނަ ފައިދާތަކެއް
04 ޑިސެމްބަރު 2024
|
ޠާއިފްގައި ހައްދާފައިވާ ސްޓްރޯބެރީ
އެންމެ މަޤްބޫލު
ޠާއިފް ޕްރޮވިންސްގެ ރަށްތަކުގައި އަދި އެތަނުގެ ހިތްގައިމު ފަރުބަދަތަކާއި ވާދީތަކުގައި ހުންނަ ދަނޑުތަކުގައި ކުރެވޭ އޯގަނިކް ދަނޑުވެރިކަމަކީ ޒަމާންވީ އާދަކާދައެކެވެ.
ސައުދީ ޕްރެސް އެޖެންސީން ބުނާ ގޮތުގައި، މި އުސޫލުގައި ސިންތެޓިކް ގަސްކާނާ އަދި ޕެސްޓިސައިޑްތައް ބޭނުން ނުކުރާތީ ދަނޑުތައް ވަށައިގެންވާ ތިމާވެށްޓަށް ގެއްލުމެއް ނުލިބެއެވެ.
ކުރީގެ ޖީލުތަކުން ވާރުތަ ވެފައިވާ އޯގަނިކް ދަނޑުވެރިކަމުގެ ޙިކުމަތްތެރިކަމުން އޭގެ ބޭނުންކުރާ މީހުންގެ ޞިއްޙަތު އަދި ފަސްގަނޑާއި، ފެނާއި، ގަސްގަހާގެއްސާއި އަދި ދިރޭ ތަކެތީގެ ދުޅަހެޔޮކަން އިތުރުވެއެވެ.
ޠާއިފުގައި ޢަމަލު ކުރެވޭ ދަނޑުވެރިކަމުގެ އުސޫލުތަކުގައި ހިމެނެނީ ޖަނަވާރުންނާއި ގަސްގަހާގެހީގެ ކުނި ޠަބީޢީ ގަސްކާނާއަށް ބަދަލުކުރެވޭ ބަންދު ލޫޕް ނިޒާމެކެވެ. މި އުސޫލުން ދަނޑުވެރިކަމާއި ޖަނަވާރުން ގެންގުޅުމަށް އެހީތެރިވެދެއެވެ. އަދި މިއީ ސައުދީ އަރަބިއްޔާގެ ވިޝަން 2030 ގެ ކާބޯތަކެތީގެ ރައްކާތެރިކަމާއި ދެމެހެއްޓެނިވި ކަމުގެ ލަނޑުދަނޑިތަކާ އެއްގޮތްވާ ކަމެކެވެ.
އަލް-ޝަފާ ފަރުބަދަތަކުގައި ހުންނަ ޓެރަސްޑް ދަނޑުތައް ބެލެހެއްޓުމުގެ އަހަރުތަކުގެ ތަޖުރިބާއަށް ބިނާކޮށް، 80 އަހަރުގެ ދަނޑުވެރިޔާ ޢަބްދުﷲ ސަޢީދު އަލް-ޠަލްޙީ ބުނެފައިވަނީ އޯގަނިކް ދަނޑުވެރިކަމަކީ އަވަހަށް ކުރިއަރަމުންދާ ޞިނާޢަތެއް ކަމަށެވެ.
"ކާބޯތަކެތީގެ ރަނގަޅު އޯގަނިކް އުފެއްދުންތަކަށް ކަސްޓަމަރުން ބޭނުންވާ މިންވަރު އިތުރުވަމުން ދިއުމުގެ ސަބަބުން އަޅުގަނޑުމެންގެ ޞިނާޢަތް އަލުން ބައްޓަންވަމުން އެބަދޭ" - ޢަބްދުﷲ ސަޢީދު އަލް-ޠަލްޙީ
"މި ފަރުބަދަތަކުގެ ޓެރަސްތަކުގައި މަސައްކަތްކުރުމުން އަހަރެންނަށް ދަސްވެފައިވަނީ އޯގަނިކް ދަނޑުވެރިކަމަކީ ހަމައެކަނި ދަނޑުވެރިކަން ކުރުމުގެ އުސޫލެއް ނޫންކަމެވެ - އެއީ އަޅުގަނޑުމެން ކުރިއަށް އޮތް ޖީލުތަކަށް ދޫކޮށްލާ ތަރިކައެކެވެ. އެއީ އަންނަން އޮތް އަހަރު ތަކުގައި ދެމެހެއްޓެނިވި ގޮތެއްގައި ކާނާ އުފެއްދުން ޔަގީން ކޮށްދޭ ކަމެކެވެ" - ޢަބްދުﷲ ސަޢީދު އަލް-ޠަލްޙީ
އޯގަނިކް ދަނޑުވެރިކަން ހިނގަނީ ވަކި ދެ އުސޫލަކުން ކަމުގައި އަލް-ޠަލްޙީ ވިދާޅުވިއެވެ. އެއީ ރައްކާތެރިކުރެވިފައިވާ ގްރީން ހައުސް ދަނޑުވެރިކަމާއި ހުޅުވިފައިވާ ބިމުގައި ކުރެވޭ ދަނޑުވެރިކަން ކަމުގައި ކިޔައިދެއްވިއެވެ. އެކަމަކު މި ދެ އުސޫލުގައިވެސް އެއް އަސާސީ މަބްދައެއް ހިއްސާކުރާ ކަމަށާއި އެއީ ކެމިކަލް ބޭނުން ކުރުމެއް ނެތި ސާފު ކާނާ އުފެއްދުން ކަމުގައި ވިދާޅުވިއެވެ.
އޭނާ އިތުރަށް ވިދާޅުވީ މި ޠަބީޢީ އުސޫލުގައި ދަނޑުވެރިކަމުގެ ހުރިހާ ދާއިރާއެއް ހިމެނޭ ކަމަށެވެ - ފަސްގަނޑު ރަނގަޅު ކުރުމާއި، ދަނޑުވެރިކަމަށް ބޭނުންކުރާ އޮށް ހޮވުމާއި، ސޫފާސޫފި ކޮންޓްރޯލްކުރުމުގެ އުސޫލުތަކާ ހަމައަށެވެ.
"ތިމާވެއްޓާއި، ފެނާ އަދި ދަނޑުވެރިކަމުގެ މިނިސްޓްރީން ޠާއިފުގައި އޯގަނިކް ދަނޑުވެރިކަން ކުރިއެރުވުމަށް ފާހަގަ ކޮށްލެވޭ ފަދަ މަސައްކަތްތަކެއް ކުރައްވާފައިވޭ" - ޢަބްދުﷲ ސަޢީދު އަލް-ޠަލްޙީ
ސައުދީގެ މިނިސްޓްރީން އަލަށް އޯގަނިކް ދަނޑުވެރިކަން ފަށާ ފަރާތްތަކަށް ތަމްރީނު ޕްރޮގްރާމްތައް ހިންގައިދެއެވެ. އަދި އައު ދަނޑުތައް ގާއިމު ކުރުމަށާއި، މިހާރު ހުރި ދަނޑުތަކުން އުފެއްދުންތެރިކަން އިތުރު ކުރުމަށާއި، އޯގަނިކް އުފެއްދުންތައް އެތެރެ ކުރުމާއި ބޭރު ކުރުމަށް އެހީތެރިކަން ފޯރުކޮށްދެއެވެ.
މިނިސްޓްރީން ދޭ އެހެނިހެން އެހީތެރިކަމުގެ ތެރޭގައި ސައުދީ އަދި ބައިނަލްއަޤްވާމީ މާރުކޭޓުތަކުގައި އުފެއްދުންތަކުގެ އިތުބާރު ކަށަވަރު ކުރުމަށް ޓަކައި ސެޓްފިކެޓް ހޯދައިދިނުން ހިމެނެއެވެ.