އއ. އަތޮޅުގެ މީހުން ދިރިއުޅޭ ރަށްތަކަށް ކުރައްވަމުން ގެންދަވާ ދަތުރުފުޅުގައި، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އެ އަތޮޅު ރަސްދޫ އަށް މިއަދު ވަޑައިގަތުމުން އެމަނިކުފާނަށް މަރުހަބާ ދެންނެވުމަށް އެއްވެ ތިބި މީހުންގެ ތެރޭން ކުޑަ ކުއްޖަކާ ވާހަކަ ދައްކަވާލައްވަނީ. ރައީސްގެ މި ދަތުރުފުޅުގައި ވަނީ ރަސްދޫގައި މުހިންމު މަޝްރޫޢުތަކެއް ފައްޓަވާފައި. އޭގެ ތެރޭގައި ރަސްދޫ ސްޕޯޓްސް ކޮމްޕްލެކްސް މަޝްރޫޢު އާއި އއ. އަތޮޅު ތަޢުލީމީ މަރުކަޒުގެ ތިން ބުރި އިމާރާތުގެ މަޝްރޫޢު އާއި ރަސްދޫ މަގުތައް ޒަމާނީ ފެންވަރަށް ތަރައްޤީ ކުރުމުގެ މަޝްރޫއު ހިމެނެ އެވެ. އޭގެ އިތުރުން ރަސްދޫ ކައުންސިލް އިދާރާގެ އާ އިމާރާތުގެ ބިންގާ އެޅުމުގެ ރަސްމިއްޔާތު ވެސް މިއަދު ވަނީ ބާއްވާފައި.