ވެރިކަންކުރާ ޕީޕަލް ނޭޝަނަލް ކޮންގްރެސް (ޕިއެންސީ) މިއަދު ބޭއްވި އިންތިހާބަކީ ޕާޓީން އަމިއްލައަށް ތެދުވެ ހިންދަމާލުމަށް މިކުރެވޭ މަސައްކަތުގައި ވަރަށް މުހިންމު ފިޔަވަޅެއް އެޅި ދުވަހެއް ކަމަށް އެ ޕާޓީގެ ޗެއާޕާސަން އަދި ރައްޔިތުން މަޖިލީހުގެ ރައީސް، އަބްދުއްރަޙީމް ޢަބްދުﷲ މިރޭ ވިދާޅުވެއްޖެއެވެ.

މިއަދު ބޭއްވުނު އިންތިހާބާ ގުޅިގެން އެ ޕާޓީން ބޭއްވި ނޫސްވެރިންގެ ބައްދަލުވުމުގައި ވާހަކަފުޅު ދައްކަވަމުން އަބްދުއްރަހީމް ވިދާޅުވީ މި އިންތިހާބު ނިންމާލެވުނީ ވަރަށް ކާމިޔާބު ކާމާއެކު ކަމަށާއި އަދި މިއީ ރާއްޖޭގެ އެއްވެސް ސިޔާސީ ޕާޓީއަކުން ނުބާއްވާވަރުގެ ވަރުގަދަ، ބޮޑު އިންތިހާބެއް ކަމަށެވެ.

މީގެއިތުރުން އަބްދުއްރަހީމް ވިދާޅުވީ މިވަރުގެ ބޮޑު އިންތިހާބެއް ނިމިގެންދާއިރު ހިނގައިފާނެ ކަމަށް ލަފާކުރެވުނު ކަންކަން ނުހިނގާ ކަމަށާއި އެހެންކަމުން މި އިންތިހާބު ނިންމާލެވުނީ ވަރަށް ކާމިޔާބުކަމާއެކު ކަމަށެވެ. އަދި މި އިންތިހާބު ކާމިޔާބުކަމާއެކީ ނިންމާލުމުގައި މަސައްކަތް ކޮށްދެއްވި ހުރިހާ ބޭފުޅުންނަށް އަބްދުއްރަހީމް ވަނީ ޝުކުރު އަދާކުރައްވައިފައެވެ.