ރަންބުސްތާނަކީ ދިވެހިންގެ މަގުބޫލުކަން ހޯދާފައިވާ އެއް މޭވާއެވެ. ޙާއްސަގޮތެއްގައި ދެކުނު އޭޝިއާގެ ގައުމުތަކުގައި ހެދޭ މި މޭވާއަކީ އަނގަޔަށް މީރު ފޮނި މޭވާއެކެވެ.

ރަންބުސްތާނަކީ ވިޓަމިން ސީ ގިނަ މިންވަރަކަށް އެކުލެވޭ މޭވާއެކެވެ. ހަށިގަނޑަށް އެންޓި އޮކްސިޑެންޓްސްގެ ބާވަތްތައް ލިއްބައިދީ ހަނގަނޑު އޮމާންކޮށް ބެހެއްޓުމަށް އެހީވެދެއެވެ. އެންޓި އޮކްސިޑެންޓްސްގެ ސަބަބުން ހަށިގަނޑު ފްރީ ރޭޑިކަލްތަކުން ސަލާމަތްކޮށްދެއެވެ. އަދި ރެޑް ބްލަޑް ސެލްތައް އުފެއްދުމަށް ބޭނުންވާ ދަގަނޑާއި ކޮޕަރގެ ބާވަތްތައް އުފެއްދުމަށްވެސް ވިޓަމިން ސީ ގެ ބޭނުންޖެހެއެވެ.

ރަންބުސްތާކުގައި ފައިބަރގެ ބާވަތްތައް ގިނައެވެ. އެހެންކަމުން ދުވާލަކު 6-8 ދެމެދުގެ އަދަދަކަށް މިބާވަތުގެ މޭވާ ބޭނުން ކުރުމަކީ ހަޖަމްކުރުމުގެ ނިޒާމަށް ދިމާވާ އުނދަގޫތަކަށް ލުޔެއް ގެނެސްދޭ ކަމެކެވެ. ދިރާސާތަކުން ދައްކާ ގޮތުގައި ރަންބުސްތާނަކީ ގޭސްޓްރިކާއި ބަނޑުހަރުވުމުން ދުރުކޮށްދޭ މޭވާއެކެވެ.

ރަންބުސްތާނުގައި ކެންސަރާއި ދެކޮޅަށް މަސައްކަތްކުރުމުގެ ބާރުވެސް ހުރެއެވެ. ހިތުގެ މައްސަލަތަކާއި ދުރުކޮށްދީ ބޮލަޑް ޕްރެޝަރ މެއިންޓެއިން ކޮށްދިނުމަށް ވެސް އެހީތެރިވެދެއެވެ. މީގެ އިތުރުން ރަންބުސްތާނަކީ ކޮލެސްޓްރޯލް ފަދަ ބަލިތަކުން ސަލާމަތްވުމަށް ވެސް ބޭނުންކޮށްލަން ރަނގަޅު މޭވާއެކެވެ.

މިއީ ނުކައި ދޫކޮށްލެވޭނެ ވަރުގެ މޭވާއެއް ނޫނެވެ.