ޕީއެންސީގެ މިހާރުގެ އަމާޒަކީ މެންބަރުންގެ އަދަދު 100،000 އަށް އެރުވުން ކަމަށް އެ ޕާޓީގެ ޗެއާޕާސަން އަދި ރައްޔިތުންގެ މަޖިލީހުގެ ރައީސް، ޢަބްދުއްރަޙީމް ޢަބްދުﷲ ވިދާޅުވެއްޖެއެވެ.

ޕީއެންސީގެ އިންތިހާބާ ގުޅޭގޮތުން ނޫސްވެރިންނާ ވާހަކަދައްކަވަމުން އަބްދުއްރަހީމް ވިދާޅުވީ، ޕީއެންސީގެ މެމްބަރަކަށް ވުމަށް ފުރާފައި ހުރި ސައްހަ ފޯމްތަކުގެ އަދަދު 96،000 އަށްވުރެ ގިނަވާނެ ކަމަށެވެ. އެގޮތުން އަމާޒަކީ ޕީއެންސީގެ މެމްބަރުންގެ އަދަދު އެއް ލައްކައަށް އިތުރުކުރުންކަމަށް ވިދާޅުވިއެވެ.

ނޫސްވެރިންނާ ވާހަކަ ދައްކަވަމުން ޢަބްދުއްރަޙީމް ވިދާޅުވީ، ޕީއެންސީއަށް މެމްބަރުން އިތުރުކުރުމަށް ރައީސުލްޖުމްހޫރިއްޔާ ޑރ. މުހައެްމަދު މުއިއްޒު ކަނޑައަޅުއްވާފައިވާ އަމާޒަށް މިހާރު ވާސިލްވެފައިވާ ކަމަށެވެ.

މީގެއިތުރުން، އަބްދުއްރަހީމް ވިދާޅުވި ގޮތުގައި ޕާޓީއަށް މިހާރު ވެސް 97،000 ފޯމު ލިބިފައި ހުރިއިރު، އޭގެ ތެރެއިން 75،000 އަށް ވުރެ ގިނަ މެންބަރުން ވަނީ ދަފްތަރު ކުރެވިފައެވެ. އަދި ކުރިއަށް އޮތް ދުވަސްތަކުގެ ތެރޭގައި 100،000 މެންބަރުންނާ އެކު ހަރަކާތްތެރިވާ ފުރަތަމަ ސިޔާސީ ޕާޓީއަށް ޕީއެންސީ ވާނެ ކަމަށް ވެސް އަބްދުއްރަހީމް ވިދާޅުވިއެވެ. 

ޕީއެންސީގެ އަމާޒަކީ އެ ޕާޓީއަކީ ރާއްޖޭގައި އެންމެ ފުރަތަމަ ފަހަރަށް އެއްލައްކަ މީހުން ހަމަކުރާ ފުރަތަމަ ޕާޓީއަށް ހެދުންކަަމަށް އަބްދުއްރަހީމް ވިދާޅުވިއެވެ.