އެޕަލްގެ އެންމެ ފަހުގެ ޗިޕް ހިމެނޭ އެމް4 ސީރީސްގެ މެކްބުކްތައް ދައްކާލައިފިއެވެ.

އެޕަލްގެ އެންމެ ފަހުގެ މެކްބުކްތައް ދައްކާލުމަށް އެޕަލްއިން ނެރުނު ހާއްސަ ވީޑިއޯއެއްގައި ތައާރަފްކޮށްފައިވަނީ އެޕަލްގެ އެމް4, އެމް4 ޕްރޯ އަދި އެމް4 މެކްސް ސީރީސްގެ ޗިޕްތަކެވެ. އަދި މި ޗިޕްތައް ހިމެނޭ މެކްބުކް ޕްރޯތަކެވެ.

އެޕަލްއިން މައުލޫމާތުދޭ ގޮތުގައި, މި މެކްބުކް ތަކަކީ މި ވަގުތު ބާޒާރުގައި ލިބެންހުރި ލެޕްޓޮޕްތަކާ އަޅާބަލާއިރު ޕާފޯމަންސް ވައިސް ވަރަށް ވެސް ވަރުގަދަ ލެޕްޓޮޕްތަކެކެވެ. އަދި އެމް4 މެކްސް ސީރީޒްގެ މެކްބުކްތަކަކީ އެޕަލްގެ އެންމެ ބާރުގަދަ މެކްބުކްތައް ކަމަށް ވެސް އެ ކުންފުނިން ބުންޏެވެ.

އެންމެ ފަހުގެ މެކްބުކް ޕްރޯތައް މިހާރު ވެސް ޕްރީއޯޑަރު ކުރެވޭއިރު, ބާޒާރުގައި ލިބެންހުންނާނީ އަންނަ ނޮވެމްބަރު މަހުގެ 8 ވަނަ ދުވަހުން ފެށިގެން ކަމަށް ވެސް އެޕަލްއިން މައުލޫމާތުދެ އެވެ.