ENGLISH
26 ނޮވެމްބަރު 2024
ޤައުމީ ޓީމުގެ ތާރީޚީ މޮޅު ޚާއްސަކުރީ ބަކާއަށް
14 ނޮވެމްބަރު 2024
|
ބަނގްލަދޭޝް އަތުން ހޯދި މޮޅު ބަކާއަށް ޚާއްޞަ ކުރަނީ
އެންމެ މަޤްބޫލު
ބަންގްލަދޭޝްއާ ދެކޮޅަށް އިއްޔެ ކުޅުނު އެކުވެރިކަމުގެ ފުޓުބޯޅަ މެޗުން ރާއްޖެ ހޯދި މޮޅު ގައުމީ ޓީމުގެ ކުރީގެ މިޑްފީލްޑަރު މުހައްމަދު އާރިފް (ބަކާ) އަށް ހާއްސަކޮށްފިއެވެ.
ބަނގްލަދޭޝްގައި ކުޅެ 1-0 އިން މޮޅުވެ، އުއްމީދުގެ ހުޅުކޮޅު ފަނޑުވެފައި އޮތް ރާއްޖޭގެ ފުޓުބޯޅަ ޓީމަށް ދިރުން ގެނެސްދިން މޮޅު ޚާއްސަކޮށްލީ ކުއްލި ގޮތަކަށް ނިޔާވި ބަކާ އަށެވެ. ރާއްޖެ އިތުރުން މި ސަރަހައްދުގައި ވެސް އުފެދުނު އެންމެ ވަރުގަދަ އެއް ޑިފެންސިވް މިޑްފީލްޑަރަށް ޚާއްޞަކުރި މޮޅަކީ ދިވެހި ފުޓްބޯޅައަށް އަނދިރި ދުވަސްތަކެއް އައިސް، ސީޒަން ވެސް ނުފެށި ވަނިކޮށް ބަންގްލަދޭޝްގެ ޑާކާގައި އިއްޔެ ހޯދި މޮޅެކެވެ. ބަޝުންދުރަ ކިންގްސް އެރީނާގައި ކުޅުނު މެޗުން ރާއްޖެ މޮޅުކޮށްދިން ހަމައެކަނި ލަނޑު ފުރަތަމަ ހާފްގައި ޖެހީ އަލީ ފާސިރު (ސެންޓޭ) އެވެ. މިއީ ގޯލާ އަމާޒުކޮށް ރާއްޖެއިން ފޮނުވާލި ފުރަތަމަ ހަމަލާއެވެ.
ރާއްޖެއާއި ބަންގްލަދޭޝް ވާދަކުރި މެޗުގެ ތެރެއިން
މިމެޗުގެ ކުރިން ޤައުމީ ޓީމް އެންމެ ފަހުން ފީފާ އިންޓަރނޭޝަނަލް ބްރޭކެއްގައި މެޗެއް ކުޅެފައިވަނީ މިދިޔަ އަހަރުގެ އޮކްޓޯބަރ މަހު އެވެ. ބަންގްލަދޭޝްއާ ދެކޮޅަށް މީގެ އަހަރެއް ކުރިން ކުޅުނު ދެ މެޗުގެ ތެރެއިން އެއް މެޗު އެއްވަރުވެ، އަނެއް މެޗުން ރާއްޖެ ވީ ބައްޔެވެ. އިއްޔެގެ މެޗަށް ރާއްޖެއިން ނުކުތީ ރާއްޖޭގެ ލީގު ނުކުޅޭތާ އަހަރެއްވާން އުޅެނިކޮށެވެ. އެކަމަކު މިދިޔަ މަހު މާޒިޔާ ވަނީ އޭއެފްސީ ލީގުގައި ވާދަކޮށްފައެވެ. އެ މުބާރާތަށް މާޒިޔާ ދިޔައީ ވެސް މެޗެއް ނުކުޅޭތާ އަހަރެއްހާ ދުވަސްވާން ގާތްވެފައި ވަނިކޮށެވެ. ގައުމީ ޓީމްގެ މެޖޯރިޓީ އަކީ މާޒިޔާ ކުޅުންތެރިންނެވެ.
އިއްޔެގެ މެޗުގައި ބަންގްލަދޭޝްއިން ވެސް ވަނީ ރާއްޖެ ކޮޅަށް ވަރުގަދަ ހަމަލާތަކެއް އަމާޒުކޮށް ޕްރެޝާރ ދީފައެވެ. އެހެން ނަމަވެސް ޑިފެންސް ލައިންގައި ސަމޫހު އަލީ (ސަމުއްޓެ) އާއި މުހައްމަދު އިރުފާނުގެ އިތުރުން ކީޕަރު ހުސައިން ޝަރީފް ވެސް ރަނގަޅު ކުޅުމެއް ދައްކައި އެޓީމުގެ ހަމަލާތަކަށް ހުރަސް އެޅިއެވެ. އަންނަ ހޮނިހިރު ދުވަހު ރާއްޖެ އާއި ބަނގްލަދޭޝް ދެވަނަ މެޗެއްގައި ބަޝުންދުރަ ކިންގްސް އެރީނާގައި ވާދަކުރާނެއެވެ. މި ދެމެޗުގައި ރާއްޖޭގެ ޓީމަށް އިރުޝާދު ދެނީ ތަޖުރިބާކާރު ކޯޗު އަލީ ސުޒޭން އެވެ.