ގިނަ ބައެއްގެ މަޤްބޫލުކަން ހޯދި ބޮލީވުޑްގެ މަޝްހޫރު ފިލްމް "އެއިތުރާޒް" ގެ ދެވަނަ ބައެއް ނެރެން ނިންމާފައިވާކަމަށް އެ ފިލްމު އުފެއްދި ޕްރޮޑިއުސަރު ސުބާޝް ގާއީ އިއުލާނުކޮށްފިއެވެ.

މީގެ 20 އަހަރު ކުރިން ނޮވެންބަރު މަހުގެ 12 ވަނަ ދުވަހު ނެރުނު މި ފިލްމަށް ވަނީ ގިނަ ބައެއްގެ ތަރުޙީބު ލިބިފައެވެ. ސުބާޝް ގާއީ ސޯޝަލް މީޑީއާއަށް ދޫކޮށްލި ޕޯސްޓެއްގައި ބުނީ "އެއިތުރާޒް 2" ގެ ސްކްރިޕްޓަކީ ތިން އަހަރު ދުވަހުގެ ވަރަށް ބުރަ މަސައްކަތެއް ކަމަށެވެ.

އަދި މި ފިލްމާ ގުޅޭ އިތުރު މައުލޫމާތުތަކަށް އިންތިޒާރު ކުރުމަށް ވެސް އޭނާ އެދިފައިވެއެވެ.

"އެއިތްރާޒް"ގެ ޕްރޮޑިއުސަރު ސުބާޝް ގާއީ

ގާއީގެ ޕޯސްޓްގައި "އެއިތުރާޒް" ގައި ނެގެޓިވް ރޯލެއް ކުޅެގެން ފިލްމުފެއާގެ އެންމެ މޮޅު ވިލަންގެ އެވޯޑް ވެސް ހޯދި ޕްރިޔަންކާ ޗޯޕްރާ ފިލްމުގައި ކުޅުނު "ބޯލްޑް" ކެރެކްޓާ އަށް ތައުރީފު ވެސް ކޮށްފައިވެއެވެ. ދެހާސް ހަތަރު ވަނަ އަހަރު ނެރުނު މި ފިލްމުގެ ލީޑް ކާސްޓުންގެ ގޮތުގައި ފެނިގެންދަނީ ޕްރިޔަންކާގެ އިތުރުން އަކްޝޭ ކުމާރާއި ކަރީނާ ކަޕޫރެވެ. އައްބާސް-މަސްތާން ޑައިރެކްޓްކުރި މި ރޮމޭންޓިކް ތުރިލާގެ ކާސްޓްގައި އަމްރިޝް ޕޫރީ އާއި ޕަރޭޝް ރާވަލް އަދި އައްނޫ ކަޕޫރް ވެސް ހިމެނުނެވެ.

މި ފިލްމަކީ އެންމެ އަށް ކްރޯޑް ރުޕީސް (947,200 ޑޮލަރު) ގެ ބަޖެޓަކުން ހެދި ފިލްމެއް ނަމަވެސް މި ފިލްމަށް ވަނީ ބޮކްސް އޮފީހުގައި އާމްދަނީގެ ގޮތުގައި 11.1 މިލިއަން ޑޮލަރު ލިބިފައެވެ.