އިޓާލިއަން ލީގުގައި މިރޭ ފިއޮރެންޓީނާ 1-2 އިން ބަލިކޮށް، ނަޕޯލީން ތާވަލްގެ އެއްވަނައިގައި އުޅޭ އިންޓަރ މިލާނާ ޕޮއިންޓަކާ ގާތަށް ޖެހިލައިފިއެވެ.

މި ނަތީޖާއާއެކު، ނަޕޯލީ އުޅެނީ 28 މެޗުން ހޯދި 60 ޕޮއިންޓާއެކު ދެވަނައިގައެވެ. އެންމެ ކުރީގައި އުޅޭ އިންޓަރ އަށް ލިބިފައިވަނީ 61 ޕޮއިންޓެވެ. ތިންވަނައިގައި އޮތް އެޓަލާންޓާ އަށް ލިބިފައިވަނީ 55 ޕޮއިންޓެވެ.

ނަޕޯލީގެ ދަނޑުގައި ކުޅުނު މެޗުގައި އެ ޓީމަށް ލަނޑުތައް ޖަހައިދިނީ ރޮމެލޫ ލުކާކޫ އާއި ޖިއަކޮމޯ ރަސްޕަޑޯރީ އެވެ.

ފިއޮރެންޓީނާގެ ހަމައެކަނި ލަނޑުޖެހީ ގުޑްމުންޑްސަން އެވެ.

ލީގުގައި މިރޭ ކުޅުނު އަނެއް މެޗުގައި ބޮލޯނިއާ ވަނީ ރަށުން ބޭރުގައި 1-2 އިން ހެލާސް ވެރޯނާ ބަލިކޮށްފައެވެ.