ENGLISH

04 އޭޕްރީލު 2025

Advertisement

ޕީއެސްވީ އަށް އާސެނަލްގެ ފެންވަރު ދައްކާލައިފި

05 މާރިޗު 2025

|

މުޙައްމަދު އަދުހަމް

ޕީއެސްވީއާ ދެކޮޅަށް އާސެނަލް ކުޅުނު މެޗުގެ ތެރެއިން. --ފޮޓޯ: ރޮއިޓާސް

ޔުއެފާ ޗެމްޕިއަންސް ލީގުގެ ގަދަ 16 ގެ ބުރުގެ ފުރަތަމަ ލެގުގައި ރޭ ނެދަލެންޑްސްގެ ޕީއެސްވީ އެއިންދޯވަން އަތުން 7-1 ގެ ތަފާތު ބޮޑު ނަތީޖާއަކުން އާސެނަލް މޮޅުވެއްޖެއެވެ.

ޕީއެސްވީގެ ފިލިޕްސް ސްޓޭޑިއޯންގައި ކުޅުނު މެޗުގެ ފުރަތަމަ ހާފުގެ 13 މިނެޓުގެ ތެރޭގައި އާސެނަލުން ވަނީ ތިން ލަނޑު ޖަހައިފައެވެ. އޭގެކުރިން، ޕީއެސްވީ އަށް ލީޑު ނަގައިދޭން އިސްމާއިލް ސައިބާރީ އަށް ލިބުނު ފުރުޞަތުގައި ފޮނުވާލި ބޯޅަ އަމާޒުވީ ގޯލްގެ ހުރަސްދަނޑިއަށެވެ.

ރޭގެ މެޗުގައި އާސެނަލުން ޖެހި ހަތް ލަނޑުގެ ތެރެއިން ދެ ގޯލް ޖަހައިދިނީ އެ ޓީމުގެ ކެޕްޓަން، މާޓިން އޮޑެގާޑް އެވެ. އެ ޓީމުގެ އަނެއް ލަނޑުތައް ކާމިޔާބުކޮށްދިނީ ޔޫރިއެން ޓިމްބާ، އީތަން އެންވަނޭރީ، މިކޭލް މެރީނޯ، ލެއަންޑްރޯ ޓްރޮސާޑް އާއި ރިކާޑޯ ކަލަފިއޯރީ އެވެ.

ޕީއެސްވީގެ ހަމައެކަނި ލަނޑު ޖަހައިދިނީ ފުރަތަމަ ހާފުގައި ލިބުނު ޕެނަލްޓީއަކުން ނޯއާ ލޭންގް އެވެ.

މުބާރާތުގައި ރޭ ކުޅުނު އަނެއް މެޗުގައި ރަށުން ބޭރުގައި އެސްޓަން ވިލާ ވަނީ 3-1 އިން ބެލްޖިއަމްގެ ކުލަބު ބްރޫޖް ބަލިކޮށްފައެވެ.

ކިޔުންތެރިންގެ ހިޔާލު