ENGLISH

04 އޭޕްރީލު 2025

Advertisement

އެސްޓީއޯއިން ތާޒާ ލޮނުމެދު ނެރެ، ފިޔާ، ބިސް އަދި އަލުވީގެ އަގު ބަދަލުކޮށްފި

01 މާރިޗު 2025

|

ޝިފްޒާން އަޙްމަދު

އެސްޓީއޯއިންވަނީ ތާޒާ ލޮނުމެދު ބާޒާރަށް ނެރެފައި، ފޮޓޯ: ގޫގްލް

ރަމަޟާން މަހާ ދިމާކޮށް އަސާސީ ކާބޯތަކެތީގެ އަގު ހިފަހެއްޓުމަށް ސަަރުކާރުން ކުރާ މަސައްކަތުގެ ތެރެއިން އެސްޓީއޯއިން ތާޒާ ލޮނުމެދު ބާޒާރަށް ނެރެ، އެ ކުންފުނިން ވިއްކަމުން އަންނަ ފިޔާ، އަލުވި އަދި ބިހުގެ އަގުތަކަށް ބަދަލުތަކެއް ގެނެސްފިއެވެ. 

އެސްޓީއޯއިން މިއަދު ނެރުނު ބަޔާނެއްގައި ބުނެފައި ވަނީ އެ ކުންފުނިން ރަމަޟާން މަހަށް ޚާއްޞަކޮށް ފިޔާ ބިސް އަދި އަލުވި ފަދަ ބާވަތްތައް އެތެރެކުރުމުގެ މައިގަނޑު މަގުސަދަކީ ރޯދަމަހު އެ ތަކެތީގެ އަގު އެކަށީގެންވާ މިންވަރެއްގައި ހިފަހެއްޓުން ކަމަށެވެ. އަދި ރޯދަމަހު މިފަދަ ތަކެއްޗަށް އޮންނަ ޑިމާންޑު އިތުރުވާތީ އެތަކެތީގެ އަގު އެކަށީގެންވާ މިންވަރެއްގައި ހިފެހެއްޓުމަކީ އެ ކުންފުނީގެ އަމާޒެއްކަމަށް ވެސް އެ ކުންފުނިން ބުންޏެވެ. 

އެސްޓީއޯއިން ބުނި ގޮތުގައި އެ ކުންފުނިން އެތެރެކޮށް ވިއްކާ ތަކެތީގެ އަގު ކަނޑައަަޅާފައި ވަނީ ބާޒާރުގެ އަގުތަކަށް ރިއާޔަތްކޮށްގެންނެވެ. އަދި ބާޒާރުގެ އަގުތަކަށް ރިއާޔަތްކޮށްގެން އެ ކުންފުނިން ވިއްކާ ކާބޯތަކެތީގެ އަގުތަކަށް ބަދަލުގެންނަމުންދާނެ ކަމަށްވެސް އެ ކުންފުނިން ބުނެފައިވެއެވެ. 

އެސްޓީއޯއިން އަލަށް ބާޒާރަށް ނެރުނު ތާޒާ ލޮނުމެދު ވިއްކަނީ އެސްޓީއޯ ޕީޕަލްސް ޗޮއިސްއިންނެވެ. އަގެއްގެ ގޮތުގައި ކަނޑައަޅާފައި ވަނީ ކިލޯއެއް 45 ރުފިޔާއަށެވެ. 

މީގެ ކުރިން 319 ރުފިޔާއަށް ވިއްކަމުން އައި ފިޔާ ބަސްތާއެއް މިހާރު ވިއްކަނީ 335 ރުފިޔައަށެވެ. އަަދި ރީޓެއިލްކޮށް ފިޔާ ކިލޯއެއް މިހާރުވެސް ވިއްކާނީ 14 ރުފިޔާއަށެވެ. ކުރިން 320 ރުފިޔާއަށް ވިއްކަމުން އައި ބިސް ކޭހުގެ އަގު 350 ރުފިޔާއަށް ބަދަލުކޮށްފައިވީ ނަމަވެސް ވަކިން 2 ރުފިޔާއަށް މިހާރުވެސް ބިހެއް ވިއްކަމުންދާނެއެވެ. ހަމައެހެންމެ ކުރިން 310 ރުފިޔާއަށް ވިއްކި އަލުވި ބަސްތާ މިހާރު ވިއްކަނީ 515 ރުފިޔާއަށެވެ. އަދި ރީޓެއިލުކޮށް އަލުވި ކިލޯއެއް މިހާރު ވިއްކާނީ 25 ރުފިޔާއަަށެވެ. 

އެސްޓީއޯއިން ބުނި ގޮތުގައި ބާޒާރަށް އަންނަ ބަދަލުތަކާ ގުޅިގެން ހަތަރު ކެޓަގަރީއެއްގެ ކާބޯތަކެތި އެތެރެކުރުމަށް އެ ކުންފުނިން ވަނީ ތައްޔާރުވެފައެވެ. އެގޮތުން އަސާސީ ކާބޯތަކެތީގެ ގޮތުގައި ބިހާއި، ފިޔައާއި، އަލުއްވާއި ކަދުރު އެތެރެކުރާނެއެވެ. އަދި ތާޒާ ތަރުކާރީއާއި މޭވާގެ ތެރެއިން ލޮނުމެދާއި، އިނގުރާއި، ލައިމް، ކެރެޓް އަދި އޮރެންޖާއި ކެބެޖުވެސް އެތެރެކުރާނެއެވެ. ޕްރޮސެސްޑް ކާނާގެ ގޮތުގައި ނެސްލޭ ކްރީމާއި ކޮކޯ ޕައުޑަރާއި ބޭކެޑް ބީންސް އަދި ގެރިކިރު ދަޅު އެތެރެކުރުމަށްވަނީ ތައްޔާރުވެފައެވެ. އޭގެ އިތުރަށް ކެއްކުމަށް ބޭނުންވާ ތަކެތީގެ ތެރެއިން ސަންފްލާވާ ތެލާއި، ވެޖިޓަބަލް އޮއިލްއާއި، ބާސްމަތީ ހަނޑޫވެސް އެތެރެކުރަންވަނީ ތައްޔާރުވެފައެވެ. 

މާލޭ ސަރަހައްދުގައި އެސްޓީއޯ ހޯލްސޭލް ސެންޓަރާއި، އިންޑަސްޓްރިއަލް ވިލެޖުގައި ހުންނަ އެސްޓީއޯ ވެއާހައުސްގެ އިތުރަށް ހުޅުމާލޭގައި ހުޅުމާލޭގައި ހުންނަ އެ ކުންފުނީގެ ހޮޓަލުގައި މި ތަކެތި ހޯލްސޭލްކުރުމުގެ އިންތިޒާމުތައް އެކުންފުނިން ހަމަޖައްސާފައިވެއެވެ. އެއީ ހުޅުމާލޭގެ ފިހާރަތަކަށް ފަސޭހައިން މުދާ ލިބޭނެ ގޮތް ހެދުމަށާއި، އާންމުންނަށް މެދުނުކެނޑި މި ތަކެތި ލިބޭނެކަން ޔަގީންކުރުމުގެ ބޭނުމުގައި ހަމަޖެއްސި ތަނެއްކަމަށް އެސްޓީއޯއިން ބުންޏެވެ. 

ކިޔުންތެރިންގެ ހިޔާލު