ENGLISH

04 އޭޕްރީލު 2025

Advertisement

ގިނަ އިނާމުތަކަކާ އެކު ރެފްކޫލް އިން ދިވެހި ކޮންޓެންޓް ކްރިއޭޓަރުންނަށް މުބާރާތެއް

26 ފެބްރުއަރީ 2025

|

ފަޒީލް ޢަބްދުލް ލަތީފު

ރެފްކޫލް އިން ރޯދަ މަހަށް ވީޑިއޯ ކޮންޓެންޓް އުފެއްދުމުގެ މުބާރާތެއް ބާއްވަން ނިންމައިފިއެވެ.

ރެފްކޫލް އިން ނެރުނު ނޫސްބަޔާނެއްގައި ބުނީ މިފެށޭ 1446 ވަނަ އަހަރުގެ ރަމަޟާން މަހާ ގުޅުވައިގެން އެކުންފުނީގެ ފަރާތުން "ރޯދަ ކޫލް ކުރުން" މިނަމުގައި ދިވެހި ކޮންޓެންޓް ކްރިއޭޓަރުންނަށް އަމާޒުކޮށްގެން ވީޑިއޯ ކޮންޓެންޓް އުފެއްދުމުގެ މުބާރާތެއް ބޭއްވުމަށް ހަމަޖައްސާފައިވާ ކަމަށެވެ.

މި މުބާރާތް ކުރިޔަށްދާނީ ރޯދަ މަހުގެ ފުރަތަމަ ދުވަހުން ފެށިގެން ހަރޯދައިގެ ނިޔަލަށެވެ. މި މުބާރާތުގެ މަގުސަދަކީ ދިވެހި ކޮންޓެންޓް ކްރިއޭޓަރުންގެ ހުނަރު އެއްތަނަކުން ދައްކާލުމުގެ ފުރުސަތު ދިނުމާއި އެ ފަންނުވެރިންގެ ހުނަރުތައް އިތުރަށް ތަރައްގީކޮށް ފަންނާނުންނަށް ކުރިއަށް ދިއުމަށް ހިތްވަރުދީ، އާމްދަނީ ލިބޭނެ އިތުރު ފުރުސަތުތައް ހޯދައިދިނުން ކަމަށް އެ ކުންފުނީގެ ބަޔާނުގައި ބުނެފައިވެ އެވެ.

އެ ކުންފުނިން މައުލޫމާތުދޭ ގޮތުގައި، މި މުބާރާތުން ވަނަތަކަށް ހޮވޭ ހުނަރުވެރި، ކޮންޓެންޓް ކުރިއޭޓަރުންނަށް، ރެފްކޫލުން ރާއްޖެ އެތެރެކޮށް ވިއްކާ، ޕްރޮޑަކްތަކުގެ އިޝްތިހާރު ކުޅުމުގެ ފުރުސަތު، ކުރިމަގުގައި ލިބިގެނދާނެއެވެ.

ތިން ކެޓަގެރީއަކުން ވާދަކުރެވޭ މި މުބާރާތުގައި ހޮވަން ހަމަޖެހިފައިވާ ވަނަތަކަކީ ކޮންމެ ކެޓަގަރީއަކުން އެންމެ މޮޅު ތިން ވީޑިއޯއެވެ.

މި މުބާރާތުގައި ބައިވެރިވާ ކޮންމެ ބައިވެރިއަކަށް ނުވަތަ ޓީމަކަށް މި ތިން ކެޓަގަރީގައި ވެސް ބައިވެރި ވެވިދާނެ އެވެ. އަދި ކޮންމެ ކެޓަރީއެއްގައި ކިތަންމެ ގިނަ ކޮންޓެންޓެއް ވެސް ބައިވެރި ކުރެވިދާނެ އެވެ. މިގޮތުން ބައިވެރިކުރާ ކޮންމެ ވީޑިއޯއެއް ޖަޖުކުރުމުގައި ބަލާނީ ވަކި ކޮންޓެއްޓެއްގެ ގޮތުގައެވެ.

މުބާރާތުގެ ކެޓަގަރީތަކާ އިނާމު ތަކަކީ:

ޑައިމަންޑް ކެޓަގެރީ:

1 ވަނަ: -/12،000 ރުފިޔާ އާއި 9000 ބީޓީޔޫގެ ގްރީ އޭސީއެއް

2 ވަނަ: -/8،000 ރުފިޔާ އާއި 55 އިންޗީގެ ޖޭވް ސްމާޓް ޓީވީއެއް

3 ވަނަ: -/5،000 ރުފިޔާ އާއި ގްރީ އެއަރ ޕިއުރިފަޔަރ

ޕްލެޓިނަމް ކެޓަގެރީ:

1 ވަނަ: -/10،000 ރުފިޔާ އާއި 50 އިންޗީގެ ޖޭވް ސްމާޓް ޓީވީއެއް

2 ވަނަ: -/6،000 ރުފިޔާ އާއި ޖެނޯމީ ރޯޒް 12 ގެ ފަހާފޮއްޓެއް

3 ވަނަ: -/4،000 ރުފިޔާ އާއި ކެންވުޑު އެއަރ ފްރަޔަރ އަވަނެއް

 ގޯލްޑް ކެޓަގެރީ:

1 ވަނަ: -/8،000 ރުފިޔާ އާއި 8 ކިލޯގެ ކޮފްލީ ދޮންނަ މެޝިނެއް

2 ވަނަ: -/4،000 ރުފިޔާ އާއި ގްލޭންޒް އިލެކްޓްރިކް އަވަނެއް

3 ވަނަ: -/3،000 ރުފިޔާ އާއި ޕިއްޒާ މޭކަރެއް

ސޯޝަލް މީޑިއާގައި ރެފްކޫލް ޓެގުކޮށް  ކޮންޓެންޓު ހިއްސާކުރުމަށްފަހު  [email protected] އަށް ނުވަތަ 7778330 އަށް ވަޓްސްއެޕް ނުވަތަ ޓެލެގްރާމް ކުރުމުން މުބާރާތުގައި ބައިވެރިވޭނެއެވެ.

އޭސީ އާއި ފިނިކުރުމަށް ބޭނުންވާ ސާމާނު ރާއްޖެ އެތެރެކޮށް، އެ ހިދުމަތް ރާއްޖޭގައި ދެމުންދާތާ 25 އަހަރުވެފައިވާ ރެފްކޫލް އަކީ، މި ދާއިރާގައި ރާއްޖޭގެ އެންމެ ތަޖުރިބާކާރު އެއް ކުންފުންޏެވެ.

ކިޔުންތެރިންގެ ހިޔާލު