ސައިމަލަކީ ދިވެހިރާއްޖޭގައި ވަރަށް އާންމުކޮށް ހެދޭ ގިނަ ފައިދާތަކެއް އެކުލެވޭ މަލެކެވެ.

އެހެންވެ ސައިމަލަށް "ބޮޓޮކްސް ޕްލާންޓް" އޭ ވެސް ކިޔައި އުޅެއެވެ.

ސައިމާ ގަހުގެ ފަތްތަކާއި މަލުގެ ފިޔަތަކުގައި ގިނަ އަދަދަކަށް "މޫސިލެޖް" ހުރެއެވެ. މިއީ ހަންގަނޑު މޮއިސްޓަރައިޒްކޮށް "ޑްރައި" ވިޔަ ނުދީ ހިފެހެއްޓުމަށް އެހީތެރިވެދޭ މާއްދާއެކެވެ.  ސައިމަލުގެ "ޕޭސްޓެއް" ހަންގަނޑުގައި އުނގުޅައިގެން ހަންގަނޑު ރީތިކަންމަތީ ދުޅަހެޔޮ ސިއްހަތެއްގައި ބެހެއްޓުމަށް އެހީތެރިވެދެއެވެ.

ސައިމަލަކީ މުސްކުޅިވުމުގެ ނިޝާންތަކާ ހަނގުރާމަކުރާކޮށް ހަންގަނޑު ޒުވާންކަންމަތީ ދަމަހައްޓައިދޭ މަލެކެވެ. އެންޓިއޮކްސިޑެންޓްސް އިން މުއްސަނދި މިމަލަކީ ފްރީ ރެޑިކަލްސްގެ ސަބަބުން ހަންގަނޑަށް ލިބޭ ގެއްލުން ކުޑަކޮށްދޭ މަލެކެވެ. އަދި ސައިމަލުގައި ހިމެނޭ ވިޓަމިން ސީ އަކީ ވެސް ކޮލަޖަން އުފެއްދުމަށް މަގުފަހިކޮށްދޭ އެއްޗެކެވެ.

ހަމަމިއާއެކު ސައިމަލުގައި އެކުލެވޭ މެލިކް އެސިޑް، ސިޓްރިކް އެސިޑް، އަދި އަލްފާ ހައިޑްރޮކްސީ އެސިޑަކީ ހަށިގަނޑުގައި މެލަނިން އުފެއްދުން ކޮންޓްރޯލްކޮށް، ހަންގަނޑު އަލިކޮށްދޭ މާއްދާތަކެކެވެ. އަދި މި މާއްދާތަކަކީ އިސްތަށިގަނޑު ދިގުކޮށް ވަރުގަދަ ކޮށްދޭ މާއްދާތަކެއްވެސް މެއެވެ. އެގޮތުން ބޮލުގައި ލާ ތެލާއި ޝޭމްޕޫގައި ސައިމާ ބޭނުން ކުރެވިދާނެއެވެ.

ސައިމަލުގައި ހުންނަ "އެންޓި އިންފްލެމެޓަރީ" ޕްރޮޕަޓީސްގެ ސަބަބުން ހަންގަނޑު ރަތްވުމާއި ހަލާކުވުމުން ދުރުކޮށްދެއެވެ.