މި ވެރިކަމުގެ ފުރަތަމަ ތިން އަހަރުގައި މަސްވެރިންނަށް ހުރި ހުރިހާ ދަތިތައް ހައްލުކޮށްދޭނަން: މިނިސްޓަރު ޝިޔާމް

މަސްވެރިންނަށް މިހާރު ހުރި ހުރިހާ ދަތިތަކެއް މި ވެރިކަމުގެ ފުރަތަމަ ތިން އަހަރުގެ ތެރޭގައި ހައްލުކޮށްދެއްވާނެ ކަމަށް މަސްވެރިކަމާ ބެހޭ ވަޒީރު އަހުަމަދު ޝިޔާމް ވިދާޅުވެއްޖެއެވެ. 

ހެޔޮ އަގުގައި ރައްޔިތުންނަށް ތެޔޮ ލިބޭނެ އިންތިޒާމް ހަމަޖެއްސުމަށް ހުރިހާ އަތޮޅެއްގައި ފިއުލް ސްޓޯރޭޖް  ގާއިމްކުރުމުގެ މަސައްކަތް ރައީސުލްޖުމްހޫރިއްޔާ ޑރ. މުހައްމަދު މުއިއްޒު މިއަދު އިފްތިތާހު ކޮށްދެއްވި ހަފުލާގައި ވާހަކަފުޅު ދައްކަވަމުން މިނިސްޓަރު ވިދާޅުވީ ސަރުކާރުގެ އަމާޒަކީ މަސްވެރިންނަށް ހުރި ދަތިތަކަށް ވަގުތީ ހައްލެއް ދިނުމަށްވުރެ ބޮޑަށް ދާއިމީ ހައްލެއް ގެނެސްދެއްވުން ކަމަށެވެ. 

މިނިސްޓަރު ވިދާޅުވީ މަސްވެރިން ތެލަށްކުރާ ޚަރަދު ކުޑަކުރުމަށް އައިސް ހޯދުމަށް ކުރަން ޖެހޭ ދަތުރު ކުރުކުރުމަކީ އިސްކަން ދެއްވާ ކަންތައްތައް ކަމަށެވެ.