ENGLISH

04 އޭޕްރީލު 2025

Advertisement

މިދިޔަ މަހަކީ ފަތުރުވެރިކަމުގެ ތާރީޚުގައި ދެވަނަ އަށް އެންމެ ގިނަ ފަތުރުވެރިން ޒިޔާރަތްކުރި މަސް

04 ފެބްރުއަރީ 2025

|

އަހުމަދު ސައީދު

ފަތުރުވެރިންތަކެއް ދޯންޏަކުން ހުޅުލެއަށް މިއަދު ފައިބަނީ-- ފޮޓޯ/ އެމްއެމްޓީވީ

މިދިޔަ މަހަކީ ރާއްޖޭގެ ފަތުރުވެރިކަމުގެ ތާރީޚުގައި ދެވަނަ އަށް އެންމެ ގިނަ ފަތުރުވެރިން ޒިޔާރަތްކުރި މަސްކަން ޓޫރިޒަމް އެންޑް އެންވަޔަރަމެންޓް މިނިސްޓްރީގެ ތަފާސް ހިސާބުތަކުން ދައްކަފިއެވެ.

ތަފާސް ހިސާބުތަކުން ދައްކާ ގޮތުގައި މިހާތަނަށް އެއް މަސް ދުވަހުގެ ތެރޭގައި އެންމެ ގިނަ ފަތުރުވެރިން ރާއްޖެއަށް ޒިޔާރަތްކުރީ މިދިޔަ އަހަރުގެ ފެބްރުއަރީ މަހެވެ. އެ މަހު 217،329 ފަތުރުވެރިން ޒިޔާރަތްކޮށްފައިވާއިރު، މިދިޔަ މަހު 214،864 ފަތުރުވެރިން ރާއްޖެއަށް ޒިޔާރަތްކޮފާއިވެއެވެ. އެއް މަސް ދުވަހުގެ ތެރޭގައި ތިން ވަނައަށް އެންމެ ގިނައިން ފަތުރުވެރިން ޒިޔާރަތްކޮށްފައިވަނީ މިިދިޔަ އަހަރުގެ ޑިސެމަބަރު މަހު އެވެ. އެއީ 208،980 ފަތުރުވެރިންނެވެ.

މިދިޔަ ހަތް އަހަރު، ކޮންމެ އަހަރަކު ވެސް އެންމެ ގިނަ ފަތުރުވެރިން ޒިޔާރަތްކުރި މަސްތައް: 

2019 ޑިސެމްބަރު 171،292

2020 ޖެނުއަރީ 173،347

2021 ޑިސެމްބަރު 164،284

2022 ޑިސެމްބަރު 184،051

2023 ޑިސެމްބަރު 194،696

2024 ފެބަރުއަރީ 217،392

2025 ޖެނުއަރީ 214،864

ތަފާސްހިސާބުތަކުން ދައްކާ ގޮތުގައި މިދިޔަ މަހު އެވަރެޖްކޮށް ދުވާލަކު 6،900 ފަތުރުވެރިން ރާއްޖެއަށް ޒިޔާރަތްކޮށްފައިވެއެވެ. 

ރާއްޖެއަށް އެންމެ ގިނައިން ފަތުރުވެރިން ޒިޔާރަތްކުރަނީ ޑިސެމްބަރު، ޖެނުއަރީ އަދި ފެބްރުއަރީ މަހުއެވެ. މިހާރު ފަތުރުވެރިން ޒިޔާރަތްކުރާ ނިސްބަތަށްބަަލާއިރު، މިމަހު ރިކޯޑު މިންވަރަކަށް ފަތުރުވެރިން ޒިޔާރަތްކުރުމަކީ ގާތްކަމެކެވެ. މިމަހުގެ ފުރަތަމަ ދެ ދުވަހު ވެސް ދުވާލަކު 9،000 އަށްވުރެ ގިނަ ފަތުރުވެރިން ރާއްޖެއަށް ޒިޔާރަތްކޮށްފައިވެއެވެ. 

މިހާރު ރާއްޖެއަށް އެންމެ ގިނައިން ފަތުރުވެރިން އަންނަނީ ޗައިނާއިންނެވެ. މި އަހަރުގެ މިހާތަނަށް 39،887 ފަތުރުވެރިން ޗައިނާއިން ރާއްޖެއަށް ޒިޔާރަތްކޮށްފައިވެއެވެ. 

މިދިޔަ އަހަރަކީ ރާއްޖެއަށް އެންމެ ގިނަ ފަތުރުވެރިން ޒިޔާރަތްކުރި އަހަރެވެ. އެއީ 2.04 މިލިއަން ފަތުރުވެރިންނެވެ. މި އަހަރު 2.2 މިލިއަން ފަތުރުވެރިން ރާއްޖެއަށް ޒިޔާރަތްކުރާނެކަމަށް އަންދާޒާކުރެވެއެވެ. 

ކިޔުންތެރިންގެ ހިޔާލު