ވިހި އަހަރުގެ ގައުމީ ތަރައްގީގެ ޕްލޭން އެކުލަވާލު ޚިޔާލު ހޯދުމަށް މިއަދު ބޭއްވި ރަސްމިއްޔާތުގައި ބައިވެރިވި ޚާއްސަ އެހީއަށް ބޭނުންވާ ކުއްޖަކާ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މިއަދު ސަލާމް ކުރައްވަނީ. ރައީސުލްޖުމްހޫރިއްޔާ ވިދާޅުވީ ގައުމީ ތަރައްގީގެ ޕްލޭން އެކުލާނީ އެއްވެސް ބަޔަކު ބާކީ ނުކޮށް، ގިނަ ބައެއްގެ މަޝްވަރާއާއި ޚިޔާލުވެސް ހޯއްދަވައިގެންނެވެ. ސިޔާސީ އޮއިވަރެއްގައި ޤައުމުގެ ތަރައްޤީގެ ކަންކަމަށް އަބަދު ބަދަލު އަންނަ ކަމަށްވާނަމަ އޭގެ ފައިދާ ރައްޔިތުންނަށް ނުލިބޭނެ ކަމަށްވެސް ރައީސް ވިދާޅުވިއެވެ. އެހެން ކަމުން މިމަސައްކަތަކީ ޤާނޫނީ ބާރުވެރިކަން ލިބިގެން ކުރެވޭ މަސައްކަތަކަށް ހައްދަވައި، ޤާނޫނޫ އަސާސީގެ ތެރެއިންވެސް ބަލައިގަންނަ މަސައްކަތަކަށް މިކަން ބަދަލު ކުރައްވާނެ ކަމަށް ރައީސުލްޖުމްހޫރިއްޔާ ވިދާޅުވިއެވެ.އެމަނިކުފާނު ވަނީ ސިޔާސީ ވިސްނުން ދޫކޮށް، ޤައުމީ މަސައްކަތެއްގެ ގޮތުގައި މިމަސައްކަތް ބަލައިގަނެ، މިކަމުގައި ކޮންމެ ރަށަކުން ޚިޔާލު ބޭނުންވާ ކަމަށެވެ. އަދި 20 އަހަރު ދުވަހަކީ ޖީލެއްކަން ފާހަގަކުރައްވާ ރައީސް ވިދާޅުވީ މިމަސައްކަތް ނިމޭއިރު ޖީލެއްގެ ތަޞައްވަރު އެނގިގެންދާނެ ކަމަށެވެ. ފޮޓޯ: ރައީސް އޮފީސް