ހުޅުމާލެއިން ވިޔަފާރި އުސޫލުން ކުއްޔަށް ދޫކޮށްފައިވާ ބިންތަކުގެ ތެރެއިން ކުލި ނުދައްކާ ފަރާތްތަކާއި ނުދައްކާ ހުރި ކުލީގެ އަދަދު ހޯދުމަށް މާލިއްޔަތު ކޮމިޓީން ފާސްކޮށްފިއެވެ. 

މާލިއްޔަތު ކޮމިޓީގެ ބައްދަލުވުމުގައި މި މައްސަލަ ހުށަހަޅުއްވާފައިވަނީ ހިތަދޫ މެދު ދާއިރާގެ މެންބަރު އަހުމަދު އަޒާންއެވެ.  

ވިޔަފާރީގެ ބޭނުމަށް ހުޅުމާލެއިން ދޫކޮށްފައިވާ އެކި ބިންތަކަށް ކުލީގެ ގޮތުގައި ނުލިބިވާ ފައިސާގެ ތަފްސީލު ހޯދުމަށް އެޗްޑީސީއިން ހުށަހެޅުމަށް ނިންމަވާފައިވެއެވެ.

ހިތަދޫ މެދު ދާއިރާގެ މެންބަރު އަހުމަދު އަޒާން ވިދާޅުވި ގޮތުގައި އެޗްޑީސީއިން ވިޔަފާރީގެ ބޭނުންތަކަށް ބިންތައް ދޫކޮށްފައިވާ ގިނަ ފަރާތްތަކުން ކުލި ނުދައްކާ ކަމާއި، މިހާތަނަށް އެކަމާމެދު އެއްވެސް ފިޔަވަޅެއް އަޅާފައެއް ނުވެއެވެ.