އިމްޕޯޓް ޑިއުޓީއަށް ގެނައި ބަދަލާ ގުޅިގެން ސިނގިރޭޓު ފޮށްޓެއްގެ އަގު 250ރ އަށް ބޮޑުވެއްޖެއެވެ.  

މި ބަދަލާއެކު ސިނގިރޭޓު ކާޓަނެއްގެ އަގު އުޅެނީ 2240ރ އަރާފައެވެ.

ވޭޕާއި އިލެކްޓްރިކް ސިނގިރޭޓު އަދި ދުންފަތުން ނަގާ އިމްޕޯޓު ޑިއުޓީ ބޮޑުކޮށް އެކްސްޕޯޓު އިމްޕޯޓުގެ ގާނޫނަށް ރައްޔިތުންގެ މަޖިލީހުން ގެނައި އިސްލާހު ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވަނީ މިދިޔަ ހުކުރު ދުވަހު ތަސްގީގުކުރައްވާފައެވެ. މިއީ ރާއްޖޭގައި ދުންފަތުގެ އިސްތިއުމާލުކުރުން ކޮންޓްރޯލް ކުރުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ނިންމަވާފައިވާ މުހިންމު ނިންމުވެކެވެ.