އިޓަލީގެ ފުޓްބޯޅައިގެ ގަދަބާރު ޔުވެންޓަސްއާ ގުޅިގެން ރާއްޖޭގެ ކުޅިވަރާއި ފަތުރުވެރިކަން ކުރިއެރުވުމަށް ހުރި ފުރުސަތުތަކާ ބެހޭގޮތުން ޓޫރިޒަމް މިނިސްޓަރު އިބްރާހިމް ފައިސަލް މަޝްވަރާ ކުރައްވައިފި އެވެ.

މި ހަފުތާގައި ޔުވެންޓަސްގެ އޮފިޝަލުންތަކެއް ރާއްޖޭގައި ހޭދަ ކުރިއެވެ. އެ ވަފުދާ އެކު ފައިސަލް ވަނީ ބައްދަލުވުމެއް ބާއްވައިފައެވެ. ސޯޝަލް މީޑިއާގައި މިނިސްޓަރު ފައިސަލް ވިދާޅުވީ ކުޅިވަރާއި ފަތުރުވެރިކަން ގުޅުވައިގެން ރާއްޖެއަށް ހޯދޭނެ ފުރުސަތުތަކާ ބެހޭގޮތުން މަޝްވަރާ ކުރެއްވި ކަމަށެވެ.

ޔުވެންޓަސް އަށް 127 އަހަރު ފުރުން ފާހަގަ ކުރުމަށް ރާއްޖޭގައި ބައެއް ހަރަކާތްތައް ހިންގުމަށް އެކްލަބުންވަނީ ނިންމާފައެވެ. އެ ހަރަކާތްތައް ކުރިއަށް ގެންދާނީ އދ. މަހިބަދޫގައި އޮންނަ ޕެލޭ ފުޓްބޯޅަ ދަނޑުގައެވެ.