ރަމަޟާން މަސް މިހާރު މިވަނީ އަޅުގަނޑުމެންނާ ވަރަށް ކައިރިވެފައެވެ. އަދި މި ޚާއްޞަ މަސް ފާހަގަކުރުމަށް ޓަކައި މިހާރުވެސް އެތައް ބަޔަކުދަނީ ތައްޔާރުވަމުންނެވެ.

2030 ވަނަ އަހަރު ވެގެންދާނީ އަޅުގަނޑުމެން ހަނދާނުގައި ބަހައްޓަންޖެހޭ އަހަރަކަށެވެ. ކައުނުގައި ހިނގާ ނާދިރު ހާދިސާއެއްގެ ސަބަބުން 2030 ވަނަ އަހަރަކީ މުސްލިމުންނަށް ތާރީޚީ އަހަރަކަށް ވެގެންދާނީ އެވެ. ސަބަބަކީ މީގެ ހަ އަހަރު ފަހުން، 2030 ވަނަ އަހަރު އަޅުގަނޑުމެން މިލާދީ އެއް އަހަރެއްގެ ތެރޭގައި ދެ ރަމަޟާން މަހެއް ފާހަގަކުރާނެތީއެވެ.

އެއް އަހަރެއްގެ ތެރޭގައި ރަމަޟާން މަސް ދެފަހަރު އައުން އެއީ ރަމަޟާން މަހުގެ ބަރަކާތް އެހެން އަހަރުތަކާ ޚިލާފަށް އިތުރަށް ހޯދުމަށް ލިބޭ ފުރުސަތެކެވެ.

އެކަމަކު މިކަން ހިނގަނީ ކިހިނެއް ހެއްޔެވެ؟ ހަނދުގެ ދައުރާއި 2030 ވަނަ އަހަރަކީ އިތުރު ޚާއްޞަ އަހަރަކަށް ވާނެ ގޮތާ ބެހޭ ގޮތުން އިތުރަށް ބަލައިލަމާ ހިނގާށެވެ.

ރަމަޟާން މަސް އަންނަނީ ހިޖުރީ ކަލަންޑަރާ އެއްގޮތަށެވެ. މި ކަލަންޑަރު ބިނާވެފައިވަނީ ހަނދުގެ ބަދަލުވުންތަކުގެ މައްޗަށެވެ. ކަނޑައެޅިފައިވާ ދުވަސްތަކެއްގެ މައްޗަށް ބިނާވެފައިވާ މީލާދީ ކަލަންޑަރަށް ވުރެ ހިޖްރީ ކަލަންޑަރު ގާތްގަނޑަކަށް ދިހަދުވަސް ނުވަތަ ބާރަ ދުވަސް ކުރެވެ.

އެހެންކަމުން، ކޮންމެ އަހަރަކު ރަމަޟާން މަސް އަންނަނީ މީލާދީ ކަލަންޑަރުން ބަލާނަމަ ގާތްގަނޑަކަށް 10 ދުވަސް ކުރިއަށެވެ. މިއިން އެނގެނީ ރަމަޟާން މަސް ކޮންމެ މީލާދީ އަހަރަކު އެއް ތާރީޚެއްގައި ނާންނާނެކަމާއި، ޒަމާންތައް ފާއިތުވަމުން ދާއިރު، ތާރީޚަށް ބަދަލު އަންނަމުންދާނެ ކަމެވެ.

މީލާދީ އެއް އަހަރެއްގައި ދެ ރަމަޟާން މަހެއް އަންނަނީ ކީއްވެ ހެއްޔެވެ؟

މީގެ މުހިންމު ނުކުތާއަކީ، ހިޖުރީ އަހަރެއްގައި ހިމެނެނީ 354 ނުވަތަ 355 ދުވަހެވެ. ރަމަޟާން މަހުގެ ދިގުމިނަކީ ގާތްގަނޑަކަށް އޮނަތިރީސް ނުވަތަ ތިރީސް ދުވަސް ކަމަށްވާތީ، އެ މަސް، މޫސުންތަކުގެ ތެރެއިން ލަސްލަހުން ބަދަލުވަމުން ދެއެވެ.

2030 ވަނަ އަހަރު، ހިޖުރީ ކަލަންޑަރުގެ ވަގުތާއި ހަނދުގެ ބަދަލުވުންތަކުގެ ސަބަބުން، ރަމަޟާން މަސް ފެށޭނެ ކަމަށް ލަފާކުރެވެނީ ޖެނުއަރީ 4 ވަނަ ދުވަހުއެވެ. އަދި ނިމޭނީ ފެބްރުއަރީ 2 ވަނަ ދުވަހު އެވެ. އޭގެ ފަހުން އަނެއްކާވެސް ފެށޭނީ 2030 ވަނަ އަހަރުގެ ޑިސެމްބަރު 26 ވަނަ ދުވަހުއެވެ.

އެހެންވީމާ 2030 ރަމަޟާން މަސް ފާހަގަކުރާއިރު، ދެފަހަރު ރޯދަ ހިފަންޖެހޭނެއެވެ. އެކަމަކު އެއީ ވިދިވިދިގެން ނޫނެވެ.

މިފަދަ ކަމެއް އެންމެ ފަހުން ހިނގީ 1997 ވަނަ އަހަރުއެވެ. އެ އަހަރު ދެ ރަމަޟާން މަހެއް ދިމާވެފައިވަނީ ޖެނުއަރީ އަދި ޑިސެމްބަރު މަހުއެވެ.

މިގޮތަށް އަހަރަކު ދެފަހަރު ރަމަޟާން މަސް ދެން އަންނާނީ 2063 ވަނަ އަހަރުއެވެ.