ދުނިޔޭގެ އެންމެ ޖާގަ ކުޑަ ރަށަކީ ފުޓްބޯޅަ ދަނޑަކަށްވުރެ ކުޑަ، ކަނޑުމެދުގައި އޮންނަ، 800 އަށްވުރެ ގިނަ މީހުން ދިރިއުޅޭ ރަށެކެވެ.

ކޮލަންބިއާގެ ބޭރުގައި އޮންނަ މިރަށަކީ 2.4 އޭކަރުގެ ކުޑަކުޑަ ފަރެއްގެ މަތީގައި ހިއްކާފައިވާ ރަށެކެވެ. 19 ވަނަ ޤަރުނުގައި މަސްވެރި އާއިލާތަކުން އިސްނަގައިގެން އެ ރަށް ހިއްކީ، އެ ރަށުގެ ރީތި ވެއްޓާއި، އެ ސަރަޙައްދުގެ ކަނޑުގެ ދިރުންތަކުގެ މުއްސަނދިކަމުގެ ސަބަބުންނެވެ.

ގިނަ ރައްޔިތުން ސަންތަ ކްރޫޒް ދެލް އިސްލޯސްލޯޓޭ ކިޔާ މި ރަށުގެ ގިނަ ރައްޔިތުން ބޭރަކަށްނުދެއެވެ. އަދި މިހާރު މި ރަށުގައި އަޅާފައިވާ ގެތައް ހުންނަނީ، އާބާދީ އިތުރުވަމުންދާތީ އެއާ އެކަށީގެންވާ ގޮތަށް އިމާރާތްކޮށްފައެވެ.

އެ ރަށުގައި ގެދޮރު ޢިމާރާތްކުރަނީ އެ މީހުންނަށް ފެންނަ ތަނެއްގައެވެ. ޖާގަ ނުލިބުމުން، ކުރިން ހުރި އިމާރާތްތަކުގެ މަތީގައި ބެރި އަޅައިގެން ޢިމާރާތް އުސްކޮށް، ޖާގަ އުފައްދައެވެ.

މި ކުޑަކުޑަ ރަށުގައި ގާތްގަނޑަކަށް 200 އާއިލާ ދިރިއުޅޭކަމަށް ބެލެވޭއިރު، ޖާގައިގެ ދަތިކަން ފޫބެއްދުމަށްޓަކައި،  އެއް އެނދެއްގައި 4 މީހުން ނިދުމަކީ، ރަށުތެރޭ ޢާންމުކަމެކެވެ. 

ތާޒާ ކަނޑުމަސް ލިބުމުގައި ދަތިކަމެއް ނެތްނަމަވެސް، އެ ރަށުގައި ދަނޑުވެރިކަން ކޮށް، ގަސް ހައްދާނޭ ޖާގައެއް ނޯވެއެވެ. އެހެންކަމުން ކާބޯތަކެތި ގެންނަން ޖެހެނީ ކޮލަންބިއާގެ ކަނޑުގެ ސިފައިންގެ ބޯޓެއްގައި، ކޮންމެ ދެހަފުތާއަކުން އެއް ހަފުތާގައެވެ.

އެ ރަށުގައި ކާރެއް ނުވަތަ ސައިކަލެއްވެސް ނުދުއްވައެވެ. ސަބަބަކީ ރަށުގެ އެއް ކޮޅުން އަނެއް ކޮޅަށް ހިނގާލަން 2 މިނެޓަށްވުރެ ކުޑަ ވަގުތުކޮޅެއް ނަގާތީއެވެ. އެ ރަށުގައި ހުންނަނީ މައި 4 މަގެވެ. އެހެންނަމަވެސް، ފާހަގަކޮށްލެވޭ ކަމަކީ ނަރުދަމާ ނިޒާމެއް ނެތް މިރަށުގައި ދުވާލުގެ ގިނަ ވަގުތުތަކުގައި ކަރަންޓު ވެސް ނުހުންނަކަމެވެ. އަދި ރަށުގައި ފުލުހުންގެ ޚިދުމަތެއްވެސް ނުލިބޭކަމެވެ.

މި ކުޑަކުޑަ ރަށުގައި ސްކޫލަކާއި، ފައްޅިއަކާއި، ކްލިނިކަކާއި ހޮޓަލެއް ވެސް ހުރެއެވެ.

ރަށުގެ އާބާދީގެ ގާތްގަނޑަކަށް %60 އަކީ ގްރޭޑު10 އާ ހަމަޔަށް ކިޔަވައިދޭ، އެރަށު ސްކޫލަށްދާ ދަރިވަރުންނެވެ. މިއަށްވުރެ އިތުރަށް ކިޔަވަން ބޭނުންވާ ކޮންމެ ކުއްޖަކުވެސް ރަށުން ބޭރަށް ދާންޖެހެއެވެ.

އާމްދަނީ ހޯދުމަށް ރަށު މީހުން ކުރާ މައިގަނޑު މަސައްކަތަކީ މަސްވެރިކަމެވެ. ނަމަވެސް ފަހަކަށް އައިސް ފަތުރުވެރިކަމަކީވެސް އާމްދަނީ ހޯދަން ކުރާ މަސައްކަތަކަށް ވަނީ ވެފައެވެ. ފީނުމަށް ޝައުގުވެރިވާ ގިނަ ފަތުރުވެރިން މި ރަށަށް ޒިޔާރަތްކުރެއެވެ.