އަންނަ އަހަރަށް ސަރުކާރުން ހުށަހަޅާފައިވާ ދައުލަތުގެ ބަޖެޓާ ގުޅޭ ގޮތުން މަޝްވަރާ ކުރުމަށް "ރައްޔިތުންގެ ސައްލާ ފޯރަމް"ގެ ނަމުގައި ސިލްސިލާ ބައްދަލުވުންތަކެއް ބޭއްވުމަށް ސަރުކާރު ހިންގާ ޕާޓީ، ޕީއެންސީން ނިންމައިފި އެވެ.

ޕީއެންސީގެ ޖަގަހައިގައި ފަށާ ބައްދަލުވުންތަކުގެ މިރޭގެ މައުޟޫއަކީ "ގެދޮރުވެރިކަމުގެ ބަޖެޓު 2025"  އެވެ.

މިރޭގެ ޕެނަލްގައި ބައިވެރިވެވަޑައިގަންނަވާނީ:

ޕީއެންސީގެ ނައިބު ރައީސް އަދި ބާރަށު ދާއިރާގެ މެންބަރު އިބްރާހީމް ޝުޖާޢު،

ރައީސް އޮފީހުގެ އަންޑަރ ސެކްރެޓަރީ ފޯ ލީގަލް އެފެއާޒް މުޙައްމަދު ފިރުޒުލް،

މިނިސްޓްރީ އޮފް ފިނޭންސްގެ ނައިބުވަޒީރު އަޙްމަދު ސާއިދު މުޞްޠަފާ.

މި ފޯރަމްގައި ބައިވެރިވެވަޑައިގެންނަވާ ޢާންމު ރައްޔިތުންނަށް ޕެނަލުގެ ބައިވެރިންނާ ސުވާލުކުރެއްވުމުގެ ފުރުޞަތު ވަނީ ހުޅުވާލައިފަ އެވެ.