އާ އަހަރަށް ތައްޔާރުވުމުގެ ގޮތުން ބޭއްވުމަށް ހަމަޖެހިފައިވާ ފަރިތަކުރުންތަކެއްގައި ސިފައިން މިރޭ ހުޅުމާލޭގައި ހަވާއެރުވުމަށް ނިންމައިފިއެވެ.

އެމްއެންޑީއެފުން "އެކްސް" ގައި ކުރި ޕޯސްޓެއްގައި ވިދާޅުވީ ،އައު އަހަރުގެ ފެށޭ ރޭ ހަވާ އެރުވުމަށް ތައްޔާރުވުމުގެ ގޮތުން ސިފްކޯއިން ކުރިއަށްގެންދާ ފަރިތަކުރުންތަކެއްގައި، ހުޅުމާލެ ފޭސް 3 ގައި ހަވާއެރުވުމަށް ނިންމާފައިވާކަމަށެވެ. ހަވާއެރުވުމުގެ ހަރަކާތް ކުރިއަށްދާނީ 20:00 ހާއިރުކަމަށް ސިފައިން ބުންޏެވެ. އަދި މި ފަރިތަކުރުންތަކުގައި، ދެ މިނެޓްގެ ތިން ޝޯވްއެއް ކުރިއަށް ގެންދިއުމަށް ވަނީ ނިންމާފައެވެ.

ރާއްޖޭގައި ހަވާއެރުވުމުގެ ކަންކަން ކުރަނީ ޤައުމީ ދިފާއީބާރުންނެވެ.