ENGLISH

04 އޭޕްރީލު 2025

Advertisement

މިފްކޯ ހިންގާނީ ދެފުށް ފެންނަ އަދި ދެމެހެއްޓެނިވި ތަރައްޤީ ގެނެވޭ ގޮތަށް: ސީއީއޯ ޑރ. ވިތާލީ

19 ޑިސެމްބަރު 2024

|

ޢަލީ ޝާހީން

ޑރ. ވިތާލީ ލުބިމޮފް

މިފްކޯ ހިންގާނީ ދެފުށް ފެންނަ އަދި ދެމެހެއްޓެނިވި ތަރައްޤީ ގެނެވޭ ގޮތަކަށް ކަމަށް އެ ކުންފުނީގެ އާ ސީއީއޯ އަދި މެނޭޖިންގ ޑިރެކްޓަރ ޑރ. ވިތާލީ ލުބިމޮފް ވިދާޅުވެއްޖެއެވެ.

ސަރުކާރުގެ މަސް ކުންފުނި، މިފްކޯގެ ސީއީއޯ މިހެން ވިދާޅުވީ ކުންފުނީގެ ހިންގުން ހަރުދަނާކުރުމަށް ގެންނަ ބަދަލުތަކުގެ ދަށުން ކުންފުންޏަށް އާ ޖެނެރަލް މެނޭޖަރެއް އައްޔަންކުރެއްވުމަށް ފަހު ނެރުއްވި ނޫސް ބަޔާނެއްގައެވެ.

ޔޫކްރެއިންގެ ރައްޔިތެއް ކަމަށްވާ ޑރ. ވިތާލީ މިފްކޯގެ ސީއީއޯގެ މަގާމަށް އައްޔަންކޮށްފައި ވަނީ މިދިޔަ ހަފުތާގައެވެ. 

ޑރ. ވަތާލީ ވިދާޅުވީ މިފްކޯގެ ހިންގުން ހަރުދަނާ ކުރުމަށް ކުރެވޭނެ ކަންކަން ދެނެގަތުމުގެ މަސައްކަތް ކުރައްވަމުން އަންނަ ކަމަށެވެ. އަދި މި މަސައްކަތަށް ފަހު މިފްކޯ ދެމެހެއްޓެނިވި ގޮތެއްގައި ހިންގޭނެ ގޮތުގެ ތަފްސީލުތައް ސަރުކާރުގެ ކަމާ ބެެހޭ ފަރާތްތަކަށް ހުށަހަޅުއްވާނެ ކަމަށް ވެސް އޭނާ ވަނީ ވިދާޅުވެފައެވެ.

މިފްކޯއިން ވިދާޅުވީ އެ ކުންފުނީގެ މުވައްޒަފުންނަކީ ދެމެހެއްޓެނިވި މަސްވެރިކަމުގެ ސިނާއަތެއް ޤާއިމު ކުރުމަށް ޒިންމާދާރުކަމާއެކީ މަސައްކަތް ކުރާ ބަޔަކަށް ހެދުމުގެ މަސައްކަތް ކުރަމުން އަންނަ ކަމަށެވެ.

މިފްކޯގެ ސީއީއޯގެ މަގާމަށް ހަމަޖެއްސެވި ޑރ. ވިތާލީ އަކީ ކްރައިސިސް މެނޭޖްމަންޓުގެ ދާއިރާއިން 20 އަހަރު ދުވަހުގެ ތަޖުރިބާ ލިބިފައިވާ ޔޫކުރެއިނަށް އުފަން ނަމަވެސް ސުވިޒަލޭންޑުގައި ދިރިއުޅުއްވި ބޭފުޅެކެވެ. އޭނާ ވަނީ އިކޮނޮމިކްސް އާއި ޕަބްލިކް އެޑްމިނިސްޓްރޭޝަންގެ ދާއިރާއިން ޕީއެޗްޑީ ހާސިލްކުރައްވައިފަ އެވެ. ޑރ. ވިތާލީ އަކީ އަޑިއަޅާލާފައިވާ ކުންފުނިތައް ދެމެހެއްްޓެނިވި ވިޔަފާރި މޮޑެލްއަކަށް ބަދަލުކުރުމުގެ ތަޖުރިބާ ހުންނެވި ބޭފުޅެކެވެ.

ކިޔުންތެރިންގެ ހިޔާލު