ENGLISH

04 އޭޕްރީލު 2025

Advertisement

ސްކޫލް ކުދިންނަށް ޚާއްސަކޮށް އެމްއައިބީން ކަލާފާނު ސްކޫލްގައި ފެސްޓިވަލެއް ބާއްްވަނީ

18 ޑިސެމްބަރު 2024

|

އަހުމަދު ސައީދު

މޯލްޑިވްސް އިސްލާމިކް ބޭންކް (އެމްއައިބީ)ގެ ހުޅުމާލެ ސާވިސް ސެންޓަރ.

މޯލްޑިވްސް އިސްލާމިކް ބޭންކް (އެމްއައިބީ) އިން މީގެ އެއްމަސް ދުވަސް ކުރިން ތައްރަފުކުރި "ބިންގާ" އެކައުންޓްތަކާއި ބެހޭ މަައުލޫމާތު ދިނުމަށް ޚާއްސަ ފެސްޓިވަލެއް އަންނަ ހުކުރު ދުވަހު ކަލާފާނު ސްކޫލްގައި ބާއްވަން ނިންމައިފިއެވެ.

އެމްއައިބީން ވިދާޅުވި ގޮތުގައި މި ފެސްޓިވަލް އޮންްނާނީ ހުކުރު ދުވަހު ހަވީރު 4:00 އިން ރޭގަނޑު 10:00 އަށެވެ. އެ ބޭންކުގެ ބިންގާ ކިޑްސް އެކައުންޓް ކަސްޓަމަރުންނާއި ބިންގާ ކިޑްސް އެކައުންޓާއި ބެހޭ މައުލޫމާތު ބޭނުންވާ ފަރާތްތަކަށް މަޖާ މާހައުލެއްގައި ވަގުތު ހޭދަކުރުމުގެ ފުރުސަތު މި ފެސްޓިވަލުން ލިބިގެން ދާނެއެވެ.

ޖަމްޕިން ކާސަލްފަދަ ހަރަކާތްތަކާއި ކުދިންނަށް ފައިދާ ކުރާނެ އިތުރު ހަރަކާތްތައް މި ފެސްޓިވަލުގައި ކުރިއަށް ގެންދާނެއެވެ. މިގޮތުން އާންޓީ އައިޝާއާ އެކު ކުދިންނަށް ވަގުތު ހޭދަކޮށް ކުދިންގެ އެކި ސުވާލުތަކަށް ޖަވާބުދިނުމާއި، ކުދިންނަށް ޚާއްސަކޮށް ފައިނޭންޝަލް ލިޓަރަސީ ކްލާހެއް ވެސް ކުރިޔަށް ގެންދަނެއެވެ.

ޅ. ނައިފަރު ޖުވެނައިލްއިން އެ ރަށުގައި ވެލާ ކަހަނބު ހިމާޔަތްކުރުމަށް ކުރިޔަށް ގެންދާ ސެންޓަރާ ގުޅިގެން ވެލާ ކަހަނބާއި ގުޅޭ ޚާއްސަ ސެޝަނެއް ބާއްވައި، ކުދިންނަށް އެކަމާ ބޭހޭގޮތުން ވެސް ގިނަ މައުލޫމާތުތަކެއް ދިނުމަށް ރާވާފައިވެއެވެ.

އެމްއައިބީން ވިދާޅުވީ މި ޚާއްސަ ހަރަކާތަކީ މައުލޫމާތު ހޯދުމާއި ކުޅުމުގެ ތެރެއިން ކުދިންނަށް ގިނަ ފައިދާތަކެއް ކުރާނެ ހަރަކާތަކަށް ވާނެ ކަމަށެވެ. އަދި  ކުޅުމުގެ އިތުރުން މި ހަރަކާތުގައި އިތުރު ސްޓޯލްތައް ވެސް ގާއިމްކޮށްފައިވާކަމަށް އެމްއައިބީން ވިދާޅުވިއެވެ.

އެމްއައިބީ ބިންގާ އެކައުންޓު ބަންޑްލްގައި ތިން އެކައުންޓެއް ހިމެނޭއިރު، އޭގެ ތެރޭގައި ފައިސާ ރައްކާކުރެވޭ އެކައުންޓެއްގެ އިތުރުން ދިގު މުއްދަތަށް ފައިސާ އިންވެސްޓްކުރެވޭ އެކައުންޓެއް ވެސް ހިމެނެއެވެ. މީގެ އިތުރުން ދެން ހިމެނެނީ ކުދިންނަށް ފައިސާ ބޭނުން ކުރުން އަހުލުވުރިކުރުވުމަށް ހަދާފައިވާ ބިންގާ ޓްރާންސެކްޝަން އެކައުންޓެވެ.

ކިޔުންތެރިންގެ ހިޔާލު