ENGLISH
03 އޭޕްރީލު 2025
ހަނދުން ބިން ވިއްކައިގެން މިލިޔަނަރަކަށް
16 ޑިސެމްބަރު 2024
|
ފޮޓޯ: ގެޓީ އިމޭޖްސް
އެންމެ މަޤްބޫލު
ނަވާރަ ސަތޭކަ ހަތް ދިހަ ނުވަ ވަނަ އަހަރު އެމެރިކާގެ ރައްޔިތެއްް ކަމަށްވާ ޑެނިސް ހޯޕްގެ ދިރިއުޅުން އެފުށްމިފުށަށް ޖެހުނެވެ. އަންހެނުން ވަރިޔަށް ހުށަހެޅިއިރު މީހާ ވަނީ ބަނގުރޫޓޫވެފައެވެ.
ހަނދުބޮޑު ރެޔެެއްގައި، ދިރުއުޅުމުގެ ކަންކަމާ ފިކުރު ކުރުމުގެ ތެރެއިން ޑެނިސް ހިތަށްއެރީ، އޭނާގެ އަތުގައިވެސް ފަހު ވަގުތު ވިއްކާލާނެ ބިމެއްނޫނީ އިމާރާތެއް ހުރި ނަމަ ބަނގުރޫޓުވެފައި ހުންނަން ނުޖެހުނީސް ކަމަށެވެ.
އެހެން އުޅުމުގެ ތެރޭގައި އުޑުމައްޗަށް ބަލާލުމުން އޭނާއަށް ފެނުނީ އެރޭގެ ބޮޑު ހަނދެވެ. ދެން އޭނާ ހިތަށްއެރީ އެބޮޑު ހަނދުގައި އެއްވެސް ވެރިޔަކު ނުވާ އެތަކެއް ބިމެއް ވާކަމެވެ.
އެހިސާބުން އޭނާ ހަނދުގެ ބިމުގެ މިލްކުވެރިކަމާ ބެހޭ ގޮތުން މައުލޫމާތު ހޯދަން ފެށިއެވެ. ބަނގުރޫޓުވުމުގެ ކުރިން ރިއަލް އެސްޓޭޓް މަސައްކަތްކުރި ޑެނިސް ވިސްނައިގެން ހުރީ ހަނދުން ބިން ވިއްކާނެ ގޮތެއް ހޯދުމެވެ.
އެތަކެއް ރީސާޗެއް ކުރުމަށްފަހު ޑެނިސްއަށް އެނގުނު ކަމަކީ، 1967 ވަނަ އަހަރު އދ. ގެ ޤައުމުތަކުން ޖައްވުގައިވާ ޕްލެނެޓްތަކާ އަދި އެނޫންވެސް އެންމެހާ ތަކެއްޗާ ބެހޭ ގޮތުން މުޢާހަދާއެއްގައި ސޮއިކޮށްފައިވާ ކަމެވެ. އެ މުޢާހަދާގެ ދެވަނަ މާއްދާގައިވާ ގޮތުން އެއްވެސް ޤައުމަކަށް ޖައްވުގައިވާ އެއްވެސް ޕްލެނެޓެއް އަދި އެނޫންވެސް ޖައްވުގައިވާ އެފަދަ އެއްވެސް އެއްޗެއް މިލްކް ނުކުރެވޭނެއެވެ. އެހެން ނަމަވެސް އަމިއްލަ ފަރުދަކަށް މިލްކު ނުކުރެވޭނެ ވާހަކައެއް މި އެއްބަސްވުމުުގައެއް ނުވެއެވެ.
އެހެން ކަމުން ޑެނިސް އޭނާގެ އަވަށުގެ "ކްލެއިމް ރެޖިސްޓްރޭޝަން" އޮފީހުގައި ހަނދަކީ އޭނާގެ މިލްކެއް ކަމަށް ދަޢުވާކޮށް މައްސަލަ ފައިލް ކުރިއެވެ. އދ. އާއި އެމެރިކާ އަދި ރަޝިޔާގެ ސަރުކާރަށް، އޭނާ މި އުޅެނީ ހަނދުން ބިންވިއްކަން ފަށަން ކަމަށާއި، މިކަމާ ދޭތެރޭ އެއްވެސް އިޢުތިރާޒެއް އޮތް ނަމަ އެކަން އެންގުމަށް އެދި ރަސްމީ މެއިލްއެއް ކުރިއެވެ.
އެތައް ދުވަހެއް ވީއިރު ވެސް މެއިލްގެ ޖަވާބެއް އެއްވެސް ފަރާތަކުން ނުލިބުމުން، 1980 ވަނަ އަހަރު "ލޫނާ އެމްބަސީ" އޭ ކިޔާ ކުންފުންޏެއް ހެދުމަށް ފަހު ހަނދުން ބިންވިއްކަން ފެށިއެވެ. ދުނިޔޭގެ ހަނދުގެ އިތުރުން މާސް، ވީނަސް، މާކިއުރީ، ޖުޕިޓާގެ ހަނދު ކަމަށްވާ އައިއޯގެ ބިންތައް ވެސް ހޮޕްކިންސް މިހާރު ވިއްކައެވެ.
ޢާއްމު ގޮތެއްގައި ޖައްވުން ބިމެއް ހޮޕްކިންސް ވިއްކަނީ އޭކަރަކަށް 25 ޑޮަލަރުން ފެށިގެންނެވެ. ބައެއް ބިންތަކުގެ އަގު އޭކަރަކަށް އެތައް ހާސް ޑޮލަރެއް ވެސް އަރައެވެ. އަގު ކަނޑައަޅާފައިވަނީ އެބިމެއްގައި އެކުލެވިންވާ ގުދުރަތީ މުއްސަނދިމަށް ބިނާކޮށްފައެވެ. ވަރަށް މަޝްހޫރު ފަރާތްތަކުން ވެސް ޑެނިސް އަތުން ބިން ގަނެފައިވެއެވެ. މީގެ ތެރޭގައި ހޮލީވުޑްގެ ފިލްމީ ތަރިން ކަމަށްވާ ޓޮމް ކޮރޫޒް، ޖޯން ޓްރަވޮލްޓާ، ނިކޯލް ކިޑްމެން ހިމެނެއެވެ. އަދި އެމެރިކާގެ ރައީސްކަން ކޮށްފައިވާ ތިން ފަރާތެއް ވެސް ޑެނިސްގެ އަތުން ބިން ގަނެފައިވެއެވެ. އެއީ ރޮނާލްޑް ރޭގަން، ޖިމީ ކާޓާ އަދި ޖޯޖް ޑަބްލިއު ބުޝްއެވެ.
ލޫނާ އެމްބަސީގެ ފަރާތުން ބިން ގަންނަ ކޮންމެ ފަރާތަކަށް ބިމުގެ މައުލޫމާތު ހިމެނޭ ގޮތަށް ރަޖިސްޓްރީއެއް އަދި ބިމުގެ ފޮޓޯއެއް ވެސް ފޯރުކޮށްދެެއެވެ.
ޑެނިސް އޭނާ ހަނދުން ވިއްކާފައިވާ ބިމެއް ދައްކާލަނީ-ފޮޓޯ: ނިއުޔޯކް ޓައިމްސް
މިހާތަނަށް ޑެނިސް ވަނީ ހަ މިލިޔަނަށްވުރެ ގިނަ މީހުންނަށް ޖައްވުން 900 މިލިޔަން އޭކަރުގެ ބިން ވިއްކައިފައެވެ. މި ވިޔަފާރިން އޭނާ މިހާތަނަށް 25 މިލިޔަން ޑޮލަރަށް ވުރެ ބޮޑު އާމްދަނީއެއް ވަނީ ހޯދައިފައެވެ.
ޑެނިސް ހޯޕް ދެން އެންމެ ބޮޑަށްދެކެން ބޭނުންވާ ދުވަހަކީ އޭނާގެ މިލްކުވެރިކަމުގައިވާކަމަށް އޭނާ ދައުވާކުރާ ހުރިހާ ޕްލނެޓްތައް ހިމެނޭހެން ވަކި ސަރުކާރެއް ގާއިމް ކުރުމެވެ. އެއްވެސް ގައުމަކުން ބަލައިގަނެފައި ނުވިޔަސް މިހާރުވެސް އޭނާ ވަނީ ގަލަކްޓިކް ގަވަރމެންޓްގެ ނަމުގަ އަމިއްލަ ސަރުކާރެއް ހަދާ، އޭނާގެ ފަރާތުންްް ބިން ގަންނަ ފަރާތްތަކަށް ރައްޔިތުކަން ދެމުންނެވެ.
ދިވެހި ރާއްޖޭގައި ވެސް ހަނދުން ބިމެއް ގަނެފައިވާ ފަރާތެއް ހުރުމަކީ ދުރުކަމެއް ނޫނެވެ.
ޕްރައިމް އޮކްޓަޕަސް ·