ENGLISH
04 އޭޕްރީލު 2025
އެމްއައިބީގެ ސާރވިސް ސެންޓަރއެއް ނައިފަރުގައި ހުޅުވައިފި
16 ޑިސެމްބަރު 2024
|
މޯލްޑިވްސް އިސްލާމިކް ބޭންކް (އެމްއައިބީ)އިން ޅ.ނައިފަރުގައި ހުޅުވި ސާވިސް ސެންޓަރ - ފޮޓޯ/އެމްއައިބީ
އެންމެ މަޤްބޫލު
މޯލްޑިވްސް އިސްލާމިކް ބޭންކް (އެމްއައިބީ) ގެ ސާވިސް ސެންޓަރެއް ޅ. ނައިފަރުގައި ހުޅުވައިފި އެވެ.
މަސްވެރި އިޤްތިސާދެއް އޮންނަ ނައިފަރުގައި ސާވިސް ސެންޓަރު އިއްޔެ ހުޅުވައިދެއްވީ އެމްއައިބީގެ ސީއީއޯ އަދި އެމްޑީ މުފައްދަލް އިދުރީސް ކުމްރީގެ އިތުރުން ނައިފަރު ކައުންސިލުގެ ރައީސް މުހައްމަދު ރަޝީދު އެވެ.
މި ސާވިސް ސެންޓަރުން އެމްއައިބީން ދޭ ހުރިހާ ހިދުމަތެއް ލިބޭނެ ކަމަށް އެ ބޭންކުން ވިދާޅުވެއެވެ. އަދި ނައިފަރުގައި 24 ގަޑިއިރު ހިދުމަތް ލިބޭނެ އޭޓީއެމްއެއްގެ ޚިދުމަތް ވެސް އެމްއައިބީން ވަނީ ޤާއިމުކޮށްފައެވެ.
ނައިފަރުގައި އެމްއައިބީން ހުޅުވި ސާވިސް ސެންޓަރާ އެކު އެ ބޭންކުގެ ހިދުމަތް ޅ. އަތޮޅުގެ އިތުރުން ހއ، ހދ. ބ، ޅ، ކ، ދ، ލ، ގއ، ގދ، ފުވައްމުލައް އަދި އައްޑޫ ސިޓީއަށް ލިބޭނެ އެވެ.
އެމްއައިބީން އަންނަނީ އެ ބޭންކުގެ ހިދުމަތްތައް މުޅި ރާއްޖެއަށް ފުޅާ ކުރުމަށް މަސައްކަތްތަކެއް ކުރަމުންނެވެ. އެގޮތުން އަންނަ އަހަރު ވެސް އެ ބޭންކުގެ އޭޓީއެމްތަކާއި ސާވިސް ސެންޓަރުތައް އެކި ރަށްރަށުގައި ހުޅުވުމަށް ވަނީ އިއުލާން ކޮށްފަ އެވެ.