ޕޯޗުގަލްގެ ރުބެން އަމޯރިމް މެންޗެސްޓަރ ޔުނައިޓެޑުގެ ދާއިމީ ކޯޗުގެ މަޤާމަށް އައްޔަންކޮށްފިއެވެ.

ނެދަލެންޑްސްގެ އެރިކް ޓެން ހާގް އޮކްޓޫބަރު 28 ވަނަ ދުވަހު މަގާމުން ވަކި ކުރި ހިސާބުން ޔުނައިޓެޑުގެ ކޯޗުކަމުގެ މަގާމު އޮތީ ހުސްކޮށްށެވެ. ޓެން ހާގު މަގާމުން ވަކިކުރީ އޭނާގެ އިރުޝާދުގެ ދަށުން ޔުނައިޓެޑުން ހޯދަމުން ދިޔަ ދަށް ނަތީޖާތަކާ ގުޅިގެންނެވެ.

ޔުނައިޓެޑުގެ ދާއިމީ ކޯޗަކަށް އަމޯރިމް އައްޔަން ކުރުމާ ހަމައަށް ވަގުތީ ގޮތުން އެ ޓީމަށް އިރުޝާދު ދެމުން އައީ އެސިސްޓެންޓް ކޯޗު ރޫޑް ވެން ނިސްޓަލްރޫއި އެވެ.

ޔުނައިޓެޑުން ވަނީ ދާއިމީ ކޯޗަކަށް ރުބެން އަމޯރިމް ހަމަޖެއްސިކަން ރަސްމީކޮށް އިއުލާނުކޮށްފައެވެ.

އޭނާ އަށް އެ ކުލަބުން ހުށަހަޅާފައި ވަނީ ތިން އަހަރު ދުވަހުގެ އެއްބަސްވުމެކެވެ. އެހެންކަމުން 2027 ވަނަ އަހަރުގެ ޖޫން މަހުގެ ނިޔަލަށް ޔުނައިޓެޑުގެ ކުޅުންތެރިން ތަމްރީނުވަމުން ދާނީ އަމޯރިއަމްގެ އިރުޝާދުގެ ދަށުންނެވެ.

ޔުނައިޓެޑާ ހަވާލުވުމުގެ ކުރިން އަމޯރިމްއަކީ ޕޯޗުގަލްގެ ސްޕޯޓިންގެ ކޯޗެވެ. އޭނާ ގެނައުމަށް ޔުނައިޓެޑުން ވަނީ ސްޕޯޓިން އަށް ގާތްގަނޑަކަށް 11 މިލިއަން ޔޫރޯ ދައްކައިފަ އެވެ.

ރަސްމީކޮށް ޔުނައިޓެޑުގެ ކޯޗުކަމާ އަމޯރިމް ހަވާލު ވާނީ މި މަހުގެ 11 ވަނަ ދުވަހު އެވެ.

ދެހާސްއަށާރަ ވަނަ އަހަރު ކޯޗިން ކެރިއަރު ފެށި އަމޯރިމް ވަނީ ބެންފީކާ އަދި ޕޯޗުގަލްގެ ޤައުމީ ޓީމަށް ވެސް ކުޅެފައެވެ.

ޔުނައިޓެޑު ވެގެން ދާނީ އަމޯރިމް އިރުޝާދު ދޭ ހަތަރު ވަނަ ކުލަބަށެވެ.