އއ.ރަސްދޫގައި ތަރައްޤީކުރަމުންދާ ހޮސްޕިޓަލުގެ މަސައްކަތްތަކުގެ ތެރެއިން މިހާރު ކުރިއަށްދަނީ ކޮންސްޓްރަކްޝަނަށް ވާންޖެހޭ ތައްޔާރީގެ މަސައްކަތް ކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އިން ބުނެފިއެވެ.

ރަސްދޫ ހޮސްޕިޓަލުގެ މަސައްކަތުގެ އަދާހަމަ ހިއްސާކުރުމަށް އެމްޓީސީސީ އިން ކުރި ޕޯސްޓުގައި ވަނީ މިހާރު އެ ސަރަހައްދު ކޮނުމުގެ މަސައްކަތް ބާރު މިނުގައި ކުރިއަށްދާ ކަމަށެވެ.

މި މަޝްރޫގެ ދަށުން ކޮނުމުގެ މަސައްްކަތް ކުރިއަށްދާއިރު، އެމްޓީސީސީ އިން ވަނީ އެސަރަހައްދުގައި ހުރި ގަސްތައް އެހެން ސަރަހައްދަށް ބަދަލުކޮށްފައެވެ. 

ރަސްދޫގައި ތަރައްޤީކުރަމުންދާ ހޮސްޕިޓަލުގެ މަސައްކަތް އެމްޓީސީސީއާ ހަވާލުކޮށްފައިވަނީ، މިދިޔަ އަހަރުގެ މާރިޗު މަހުއެވެ.

މި މަޝްރޫޢު އެމްޓީސީސީއާ ހަވާލުކޮށްފައިވަނީ 780 ދުވަހުގެ ތެރޭގައި ނިންމާގޮތަށް 185 މިލިއަން ރުފިޔާއަށެވެ.