ދަ ގްރޭޓާ އައްޑޫ ވިޝަންގެ ތަފްސީލް ލޯންޗުކުރުމުގެ ޙާއްޞަ ޙަފްލާ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ޝަރަފްވެރިކޮށްދެއްވައިފި. 

މި ޙަފްލާ އޮތީ މާރިޗު 7 ވަނަ ދުވަހުގެ ރޭ އާޓިފިޝަލް ބީޗުގައި. މި ޙަފްލާގައި ރައީސުލްޖުމްހޫރިއްޔާގެ އަރިހުގައި، އެމަނިކުފާނުގެ އަނބިކަނބަލުން ސާޖިދާ މުޙައްމަދު އަދި ނައިބު ރައީސް އަލްއުސްތާޛް ޙުސައިން މުޙައްމަދު ލަޠީފްގެ  ކޮންގްރެސް ޕާޓީގެ ކެމްޕޭން މެނޭޖަރު އިބްރާހީމް ފަލާޙް ބައިވެރިވެވަޑައިގެންނެވި. 

މި ޖަލްސާ ހާއްސަކުރި އައްޑޫ ސިޓީގެ ގިނަ އަދަދެއްގެ ސަޕޯޓަރުންގެ އިތުރުން ދައުލަތުގެ ވަޒީރުންނާއި ރައްޔިތުންގެ މަޖިލީހުގެ މެންބަރުންނާއި، ޕާޓީގެ މެންބަރުން ވެސް ގިނަ އަދަދަކަށް ޙަފްލާގައި ބައިވެރިވި. 

މި ޙަފްލާގައި ރައީސުލްޖުމްހޫރިއްޔާ ވަނީ ވާހަކަފުޅުދައްކަވާފަ. ރައީސުލްޖުމްހޫރިއްޔާގެ ވާހަކަފުޅުގައި ވަނީ، ކުރިއަށް އޮތް 20 އަހަރަށް އައްޑޫގެ ކަރަންޓުގެ މައްސަލަ ހައްލުކުރެވޭނެ މަޝްރޫޢެއްގައި ސޮއިކުރައްވާފައިވާކަމަށް ވިދާޅުވެފަ.

ރައީސުލްޖުމްހޫރިއްޔާ ވަނީ، ކުރިއަށް އޮތް ލޯކަލް ކައުންސިލް އިންތިޚާބާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީތަކުގެ އިންތިޚާބުގައި އައްޑޫ ސިޓީގެ ގޮނޑިތައް ކޮންގްރެސް ޕާޓީއަށް ދިނުމަށް އެދިވަޑައިގެންފަ. 

ޙަފްލާގައި، އައްޑޫއަށް ނިސްބަތްވާ އެމްޑީޕީގެ އިސް ބޭފުޅުންތަކެއް ވަނީ ކޮންގްރެސް ޕާޓީއާ ގުޅިފަ.