ކުރިއަށް އޮތް ލޯކަލް ކައުންސިލްތަކުގެ އިންތިޚާބާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީތަކުގެ އިންތިޚާބުގެ ކެމްޕޭނުގައި ޕީޕަލްސް ނޭޝަނަލް ކޮންގްރެސް (ކޮންގްރެސް ޕާޓީ) އިން ކުރިއަށްގެންދިޔަ މާފަންނު ދެކުނު ދާއިރާގެ ދޮރުން ދޮރަށް ހަރަކާތުގައި، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ބައިވެރިވެވަޑައިގެންފި. 

މާފަންނު ދެކުނު ދޮރުން ދޮރަށް ހަރަކާތުގައި ރައީސުލްޖުމްހޫރިއްޔާ ބައިވެރިވަޑައިގަންނަވަނީ. ފޮޓޯ: ޕީއެންސީ

މި ހަރަކާތް ކުރިއަށްގެންގޮސްފައިވަނީ މާރިޗު 5 ވަނަ ދުވަހުގެ މެންދުރު ފަހު. 

ދޮރުން ދޮރަށް ހަރަކާތް ކުރިއަށްގެންދިޔަ މާފަންނު ހުޅަނގު ދާއިރާގެ އެކި ގެތަކަށް ރައީސުލްޖުމްހޫރިއްޔާ ވަނީ ޒިޔާރަތް ކުރައްވާފަ. އަދި އެ ރައްޔިތުންގެ ކަންބޮޑުވުންތައް އެއްސެވި. އެމަނިކުފާނުގެ ސަރުކާރުން ގެންގުޅުއްވާ ތަސައްވުރާއި ބައެއް ވިސްނުންތައް ރައީސް ވަނީ ހިއްސާ ކުރައްވާފަ. 

މާފަންނު ދެކުނު ދޮރުން ދޮރަށް ހަރަކާތުގައި ރައީސުލްޖުމްހޫރިއްޔާ ހަރަކާތްތެރިވެވަޑައިގަންނަވަނީ. ފޮޓޯ: ޕީއެންސީ

ރައީސުލްޖުމްހޫރިއްޔާގެ އަރިހުގައި މާލެ ސިޓީގެ މޭޔަރުކަމަށް ވާދަކުރައްވާ މޫސާ ޢަލީ ޖަލީލް އާއި މާލެ ސަރަޙައްދުގެ އަންހެނުންގެ ތަރައްޤީއަށް މަސައްކަތްކުރާ ކޮމިޓީތަކުގެ އިންތިޚާބުގެ ރައީސްކަމަށް ވާދަކުރާ އާޝިޔަތު އަލައިކާ އަދުނާންގެ އިތުރުން، އެ ދާއިރާގެ މަޤާމްތަކަށް ކުރިމަތިލައްވާ ކެންޑިޑޭޓުން ބައިވެރިވެވަޑައިގެންނެވި.

ރައީސް، މާފަންނު ދޮރުން ދޮރަށް ހަރަކާތުގައި ދޮށީ އުމުރުގެ މީހަކާއެކު ވަގުތު ހޭދަކުރައްވަނީ. ފޮޓޯ: ޕީއެންސީ

ކެންޑިޑޭޓުންގެ އިތުރުން، ދައުލަތުގެ ވަޒީރުންނާއި ޕާޓީގެ ލީޑަރޝިޕްގެ އިސް ބޭފުޅުން ވެސް ވަނީ މި ހަކަރާތުގައި ބައިވެރިވަޑައިގެންފަ.