ENGLISH

04 އޭޕްރީލު 2025

Advertisement

ތަފާތު މޫސުންތަކުގައި އައިފެލް ޓަވާގެ އުސްމިނަށް ބަދަލު އަންނަކަން އެނގޭތަ؟

11 ޑިސެމްބަރު 2024

|

ފަޒީލް ޢަބްދުލް ލަތީފު

އައިފެލް ޓަވާ- ފޮޓޯ: ސީއެންއެން

ގުދުރަތީ ގޮތުން އިމާރާތްތަކުގެ އުސްމިނަށް ބަދަލު އައުމަކީ އާއްމުކޮށް އަޅުގަނޑުމެން އަހާ އުޅޭ ވާހަކައެއް ނޫނެވެ. ނަމަވެސް މިކަހަލަ އާދަޔާ ޚިލާފު ކަންކަން މަދުން ނަމަވެސް ދިމާވެއެވެ.

އަހަރަކު ހަތް މިލިޔަނަށްވުރެ ގިނަ ފަތުރުވެރިން ޒިޔާރަތްކުރާ، މުޅި ދުނިޔެއަށް ވެސް މަޝްހޫރު ފްރާންސްގެ އައިފެލް ޓަވަރަކީ އަބަދުވެސް އެކިއެކި ސަބަބުތަކަށްޓަކައި، ޚަބަރުތަކުގެ ސުރުޚީން ޖާގަ ހޯދާ އިމާރާތެކެވެ. ބިނާކުރުމަށް ދެ އަހަރެއްހާ ދުވަސް ހޭދަވި މި ޓަވަރު އެއްކޮށް ނިންމާލެވުނީ 1889 ވަނަ އަހަރުގެ މާރޗު މަހުއެވެ.

އައިފެލް ޓަވާ ބިނާކުރުމުގެ އެކި މަރުހަލާތައް ދައްކުވައިދޭ ފޮޓޯއެއް- ފޮޓޯ: ފްރާންސް މޮމެންޓްސް

މިޓަވަރު ބިނާކުރަން 10،100 ޓަނުގެ ދަގަނޑު ބޭނުންކޮށްފައިވެއެވެ. އައިފެލް ޓަވާގެ ފްރޭމް ހަދައިފައިވަނީ "ޕެޑްލިންގ އަޔަން" އިންނެވެ. ޕެޑްލިންގް އަޔަން އަކީ، ދަގަނޑުގައި ހިމެނޭ ކާރބަން ފިލުވުމަށް ރިފައިން ކޮށްފައިވާ ދަގަނޑުގެ ވައްތަރެކެވެ. މި ފްރޭމްގެ ބަރުދަނުގައި 7،300 ޓަނު ހުރެއެވެ.

ކޮންމެ ހޫނު މޫސުމެއްގައި މިޓަވަރު އިތުރު ހަ އިންޗި އުސްވޭ، އަދި ހޫނުމޫސުން ނިމި ފިނި މޫސުމަށް އެޅުމުން އަަނެއްކާވެސް ކުރިން ހުރި އުސްމިނައް ރުޖޫއަވެއެވެ. މިކަމަކީ ވަރަށް ގިނަ ބަޔެއްގެ ޝައުގުވެރިކަން ދަމައިގަނެފައިވާ ކަމެކެވެ. މިކަން މިގޮތަށް ދިމާވާން މެދުވެރިވާ ސަބަބީ މިޓަވަރުގެ ފޮރޭމް ހަދައިފައިވާ މަޢުދަނެވެ.

އަހަރުމެންގެ ވަށައިގެންވާ ހުރިހާ އެެއްޗެއްވެސް އުފެދިފައިވަނީ ކުދިކުދި މޮލިކިއުލްސްތަކެއް އެކުވެގެން. "ޕެޑްލިންގ އަޔަން" ގައިވާ ސިފަތަކެއްގެ ސަބަބުން، މިވައްތަރުގެ ދަގަނޑުގެ ފިނިހޫނުމިން ވަކިވަރަކަށްވުރެ މަތިވުމުން އޭގައިވާ މޮލިކިއުލްތަކުގެ ހަރަކާތްތައް އިތުރުވެ، ހަރަކާތްކުރަން އިތުރު ޖާގަ އުފައްދާ، މިކަމުގެ ސަބަބުން މިވައްތަރުގެ މަޢުދަނުން އުފައްދާފައިވާ ތަކެތި އިތުރަށް ބޮޑުވާން ދިމާވެއެވެ. މިކަމަށް ބޭނުންކުރާ ސައިންޓިފިކް ބަހަކީ "ތާމަލް އެކްސްޕެންޝަން" އެވެ.

ތާމަލް އެކްޕެންޝަންގެ ވާނުވާ އަންގައިދޭ ކުރެހުމެއް- ފޮޓޯ: ސައިންސް ޓުޑޭ

ފިނިމޫސުމުގައި އައިފިލް ޓަވާ ކުރިން ހުރި އުސްމިނަށް ތިރިވާން ދިމާވަނީ، ފިނިވުމުގެ ސަބަބުން މޮލިކިއުލްތައް ކައިރިވެ ފިތުމުންނެވެ. ފިނިގަދަވާ ވަރަކަށް މޮލިކިއުލްތަކުގެ ހަރަކާތްތައް ލަސްވެ ވީހާވެސް އެއް މޮލިކިއުލް އަނެއް މޮލިކިއުލްއާ ކައިރިވެ ފިތޭ ގޮތްވެއެވެ.

ފިނިމޫސުމުގައި އަައިފެލް ޓާވާ- ފޮޓޯ: ގެޓީ އިމޭޖްސް

ކޮންމެއަކަސް މޫސުން ބަދަލުވުމާ އެކު އައިފިލް ޓަވަރުގެ އުސްމިނަށް އަންނަ ބަދަލުގެ ހަގީގަތަކީ މިއީއެވެ.    

ކިޔުންތެރިންގެ ހިޔާލު