މާލެ ސިޓީގެ މޭޔަރުކަމަށާއި މާލޭ ސިޓީގެ އަންހެނުންގެ ތަރައްގީއަށް މަސައްކަތްކުރާ ކޮމިޓީގެ ރައީސްގެ މަގާމަށާއި، މައްޗަންގޮޅި މެދު ދާއިރާގެ ކައުންސިލުގެ މެންބަރުކަމަށާއި، އަންހެނުންގެ ތަރައްގީއަށް މަސައްކަަތްކުރާ ކޮމިޓީގެ މެންބަރުކަމަށް ވާދަކުރައްވާ ޕީޕަލްސް ނޭޝަނަލް ކޮންގްރެސް ކެންޑިޑޭޓުންނާއެކު ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މެދު ހެންވޭރު ދާއިރާގެ ކެމްޕެއިން ހަރަކާތުގައި ބައިވެރިވެވަޑައިގެންފިއެވެ. 

މެދު ހެންވޭރު ދާއިރާގެ ދޮރުން ދޮރަށް ހަރަކާތުގައި ރައީސް ބައިވެރިވަޑައިގަތުން. ފޮޓޯ: ޕީއެންސީ

މި ހަރަކާތް ކުރިއަށްގެންގޮސްފައިވަނީ، ފެބްރުވަރީ 26 ވަނަ ދުވަހުގެ މެންދުރު ފަހު އެވެ. ހަރަކާތް ފަށާފައިވަނީ ބޮޑުތަކުރުފާނު މަހުގެ ޓައިޑްސް ކެފޭ ކުރިމަތިންނެވެ. 

މެދު ހެންވޭރު ދާއިރާގެ ދޮރުން ދޮރަށް ހަރަކާތުގެ ތެރެއިން ރައީސުލްޖުމްހޫރިއްޔާ އާއިލާއަކާ ބަައްދަލުކުރައްވަނީ. ފޮޓޯ: ޕީއެންސީ

މި ހަރަކާތުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ މެދު ހެންވޭރު ދާއިރާގެ ބައެއް ގެތަކަށް ޒިޔާރަތްކުރައްވައި އެ ގެތަކުގައި ދިރިއުޅޭ މީހުންނާއި ބައްދަލުކުރައްވައި، ޚިޔާލުތަކާއި ކަންބޮޑުވުންތައް އަޑުއައްސަވައިފައެވެ. 

ރައީސް މެދު ހެންވޭރު ދޮރުން ދޮރަށް ހަރަކާތުގެ ބައިވެރިންނާއެކު ފޮޓޯއަކަށް ހުއްޓިވަޑައިގެންެ. ފޮޓޯ: ޕީއެންސީ

ރައީސުލްޖުމްހޫރިއްޔާ ބައިވެރިވަޑައިގެންނެވި މި ހަރަކާތުގައި ވަޒީރުންނާއި، ޕާޓީގެ ލީޑަރޝިޕްގެ ބޭފުޅުންނާއި، ޕީޕަލްސް ނޭޝަނަލް ކޮންގްރެސް (ކޮންގްރެސް) ޕާޓީން ވާދަކުރައްވާ ކެންޑިޑޭޓުން ބައިވެރިވެވަޑައިގެންނެވިއެވެ.