ޗައިނާގެ ޑިސްއޭބަލްޑް ޕާސަންސް ފެޑެރޭޝަންގެ ފަރާތުން 2024 އޮކްޓޯބަރު 28 އިން އޮކްޓޯބަރު 31 ގެ ނިޔަލަށް ދިވެހިރާއްޖެއަށް ވަނީ ރަސްމީ ދަތުރެއް ކުރައްވައިފައެވެ. މިއީ، ރައީސުލްޖުމުހުރިއްޔާ ޑރ. މުޙައްމަދު މުޢިއްޒު ޗައިނާއަށް ކުރެއްވި ފުރަމާނަ ދަތުރުފުޅުގައި، އެކުލަވައިލެއްވި އެކްޝަން ޕްލޭންގެ ދަށުން، އިޖުތިމާޢީ ތަރައްޤީއާ ބެހޭ ކަންކަން ހާސިލުކުރުމަށަްކުރުމުގެ ބޭނުމުގައި ކުރެވިފައިވާ ދަތުރެކެވެ. އެގޮތުން، މި ފެޑެރޭޝަންއިންވަނީ، ނުކުޅެދުންތެރިކަން ހުންނަ މީހުންގެ ހައްޤުތައް ކަށަވަރުކޮށް، އެފަރާތްތަކަށް ޚިދުމަތް ފޯރުކޮށްދިނުމުގައި ރާއްޖެއިން ކުރެވެމުންދާ މަސައްކަތްތައް ބައްލަވާލެއްވުމަށް ހުށަހަޅާފައިއެވެ. މިގޮތުން، ނޭޝަނަލް ސޯޝަލް ޕްރޮޓެކްޝަން އޭޖެންސީ، ޑިޕާޓްމަންޓް އޮފް އިންކްލޫސިވް އެޑިޔުކޭޝަން، މިނިސްޓްރީ އޮފް ހެލްތު، މިނިސްޓްރީ އޮފް ސްޕޯޓްސް، ފިޓްނަސް އެންޑް ރިކްރިއޭޝަން، އަދި ނުކުޅެދުންތެރިކަން ހުންނަ ފަރާތްތަކުގެ ޙައްޤުގައި ވަކާލާތުކުރާ ޖަމިއްޔާތަކުގެ ތެރެއިން މޯލްޑިވްސް ޑެފް އެސޯސިއޭޝަން، ބްލައިންޑް އެންޑް ވިޝުއަލީ އިމްޕެއަރޑް ސޮސައިޓީ އޮފް މޯލްޑިވްސް، އަދި މޯލްޑިވްސް އެސޯސިއޭޝަން ފޯ ޕާސަންސް ވިތް ޑިސްއެބިލިޓީސް އާއި ބައްދަލުކުރެވިފައިވެއެވެ.