ދުނިޔޭގެ އެންމެ ބޮޑު ކިނބޫ އޮސްޓްރޭލިއާގައި މަރުވެއްޖެއެވެ. 

1990 ވަނަ އަހަރުން ފެށިގެން އޮސްޓްރޭލިއާގައި ހިމާޔަތްކުރެވިފައިވާ ސަރަހައްދެއް ކަމަށްވާ ކުއީންސް އައިލެންޑްގެ ކޯސްޓްގައި އޮތް މި ކިނބޫ ދުނިޔޭގެ ރިކޯޑު ފޮތުން ޖާގަ ހޯދީ 2011 ވަނަ އަހަރުގައެވެ. 

ކެސިއަސް ނަމަކަށް ކިޔާ މި ކިނބުލުގެ ދިގުމިނުގައި 18 ފޫޓު ހުންނައިރު ބަރުދަނުގައި ގާތްގަނޑަކަށް 1 ޓަނު ހުންނަކަމަށް ލަފާ ކުރެވެއެވެ.

މެރިން ލޭންޑް މެލެނީސިއާ ކްރޮކޮޑައިލް ހެބިޓެޓް އިން ކުރި ޕޯސްޓެއްގައި ބުނެފައިވާގޮތުން ކެސިއަސްއަކީ އެންމެ ދުވަސްވީ އެއް ކިނބުލެވެ.

ކެސިއަސް މަރުވިއިރު އޭގެ އުމުރަކީ 110 އަހަރެވެ.