ބްރެޒިލްގެ ރިއޯ ގޮރާންޑޭ ޑި ނޯޗޭ ގައި ހުންނަ ، "ކެޖުއޭރޯ ޑި ޕިރާންގީ" އަކީ ދުނިޔޭގެ އެންމެ ބޮޑު ކެޝޫނަޓްގަސް ކަމަށް ގިނިސް ވާލްޑް ރެކޯޑްސްއިން ކަނޑައަޅާފައިވާ ގަހެވެ. 

ތުންތުންމަތިން ވާހަކަދެކެވޭގޮތުގައި މިގަހަކީ 1888 ވަނަ އަހަރު ބްރެޒިލްގެ ޕިރާންގީ އަވަށުގެ މަސްވެރިއެއް އިންދި ގަހެކެވެ.

ނަމަވެސް މި ގަހަށް ލިބިގެންވާ ހާއްސަ ސިފަތަކުގެ ސަބަބުން، އަހަރަކު 80،000 ވުރެ ގިނަ ކެޝޫނަޓް އުފައްދާ މި ގަހަށް، 1000 އަހަރަށް ވުރެ ގިނަ އަހަރު ވެދާނެ ކަމަށް ގިނަ ދިރާސާކުރާ ފަރާތްތަކުން އެއްބަސްވެއެވެ.

ގާތްގަނޑަކަށް ދެ ފުޓުބޯޅަ ދަނޑުގެ ސަރަހައްދަކަށް ފެތުރިފައިވާ މި ގަސް 8500 އަކަމީޓަރަށް ދެމިގެންދެއެވެ. މިގަސް އާދައިގެ 70 ކެޝޫނަޓް ގަހަށް ވުރެވެސް ބޮޑުވެ. މިގަހުގެ ބައެއް އޮފިގަނޑުތައް މައިގަހުން ފެށިގެން 200 ފޫޓު ދުރަށް ދެމިގެންދެއެވެ.

މި ގަހުގައި އެކުލެވިގެންވާ އާދަޔާ ހިލާފު ކަންތައްތަކުގެ ސަބަބުތައް ދެނެގަތުމައްޓަކައި ސައިންސްވެރިން ވަނީ އެތަކެއް ދިރާސާާތަކެއް ކޮއްފައެވެ.

ދިރާސާތަކުގެ ނަތީޖާތަކުން ދެނެގަނެވުނު ކަމަކީ މި ގަސް އާދަޔާ ޚިލާފަށް ބޮޑުވާން ދިމާވާ ސަބަބަކީީ ޖެނެޓިކް މިއުޓޭޝަންތަކެއް ކަމެވެ. މި ޖެނެޓިކް މިއުޓޭޝަންތަކުގެ ސަބަބުން ގަހުގެ އޮފިގަނޑުތައް، ގަހުގެ ވަށައިގެން އާދަޔާ ޚިލާފަށް ދުރަށް ފެތުރެއެވެ.

އަދި މިފެތުރޭ އޮފިތައް ދުރަށް ދެމިގެންގޮސް ގަހަށް ނުކަތާވަރަށް ބަރުވެ ބިންމަތީގައި ޖެހޭ ކޮންމެ ތަނެއްގައި މޫފަޅާ އަނެއްކާ ވެސް އިތުރު ގަހެއް ފަދައިން ހެދިބޮޑުވެ ފެތުރިގެންދެއެވެ.

ޝައުގުވެރި އެތައް ކަންތައްތަކުން ފުރިގެންވާ މި ގަސް ހިމެނޭސަރަހައްދަކީ މިހާރު އަހަރަކު ތިން ލައްކަ އަށްވުރެ ގިނަ ފަތުރުވެރިން ޒިޔާރަތްކުރާ މަގުބޫލު މަންޒިލެކެވެ.