ބޮލީވުޑްގެ މަޝްހޫރު ފިލްމީ ޖޯޑެއް ކަމަށްވާ ރަންވީރު ސިންގާއި ދިޕިކާ ޕަދުކޯނޭއަށް ވަނީ މި އަހަރުގެ ސެޕްޓެމްބަރު މަހުގެ 8 ވަނަ ދުވަހު އަންހެން ކުއްޖެއް ލިބިފައެވެ. އެގޮތުން މި ދެތަރިންގެ އިންސްޓަގްރާމް ސްޓޯރީގައި އެމީހުންގެ ދަރިފުޅަށް މަރުހަބާ ކިޔާފައިވެއެވެ. 

ދަރިފުޅަށް ކިޔާ ނަމަކާއި މެދު ފޭނުން ކެތް މަދުވެފައި ތިއްބައި އިއްޔެގެ ވަގުތެއްގައި ބަތަލާ ދިޕިކާ ވަނީ އިންސްޓަގްރާމް ޕޯސްޓެއް މެދުވެރިކޮށް އެމީހުންގެ ދަރިފުޅުގެ ނަން އާންމުކޮށްފައެވެ. ބަތަލާ ދީޕިކާ އާއި ރަންވީރު ސިންގްގެ އަލަތު ދަރިފުޅުގެ ނަމަކީ "ދުޢާ ޕަދުކޯން ސިންގް" އެވެ. 

މި ޕޯސްޓްގައި ދިޕިކާ ބުނެފައިވާ ގޮތުން ދަރިފުޅަށް އެ ނަން ކިޔުނީ އެއީ އެ ދެމަފިރިންގެ ދުޢާ ކަމަށް ވުމުންނެވެ.

ފާހަގަ ކޮށްލެވޭ ކަމަކީ ދީޕިކާގެ ދެމަފިރިން ވެސް އަލަތު ދަރިފުޅުގެ ނަންތައް އާއްމުކޮށްފައި ވަނީ އިންޑިއާގައި ގިނަ ބަޔަކު ފާހަގަ ކުރާ ދިވާލީ މުނާސަބާއާ ގުޅުވައިގެންކަމެވެ.

މިއީ ބޮލީވުޑްގެ އެންމެ މަޝްހޫރު އަދި އާންމުންގެ މެދުގައި އެންމެ މަގުބޫލު އެއް ޖޯޑުކަން ވެސް ފާހަގަކޮށްލެވެއެވެ.