އއ. ހިމަންދޫ ގޮނޑުދޮށް ހިމާޔަތްކުރުމުގެ މަސައްކަތުގެ ދަށުން މިހާރު ކުރިއަށްދަނީ ރިވެޓްމެންޓް ޕްރޮފައިލިންގެ މަސައްކަތް ކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން ބުނެފި އެވެ.

މި މަޝްރޫޢު އަވަހަށް ނިންމުމަށްޓަކައި އެމްޓީސީސީން އަންނަނީ މި މަސައްކަތް ވަރަށް ބާރު ސްޕީޑްގައި ކުރަމުންނެވެ.

މި މަޝްރޫއުގެ ދަށުން ކުރުމަށް ހަމަޖެހިފައިވާ މައިގަނޑު މަސައްކަތްތަކަކީ:

މި މަޝްރޫއު އެމްޓީސީސީއާ ހަވާލުކޮށްފައި ވަނީ 365 ދުވަސްތެރޭ ނިންމާގޮތަށް 24.54 މިލިއަން ރުފިޔާއަށެވެ.

ރަށް ގިރުމުގެ މައްސަލައަކީ ރާއްޖޭގެ ވަރަށް ގިނަ ރަށްތަކަށް ދިމާވެފައިވާ މައްސަލައެކެވެ. އެހެންކަމުން މި މައްސަލަ ހައްލުކުރުމުގެ ގޮތުން ރަށް ރަށުގެ ގިރާ ސަރަޙައްދު ހިމާޔަތްކުރުމަށް ސަރުކާރުން އަންނަނީ ގިނަ މަޝްރޫޢުތަކެއް ހިންގަމުންނެވެ.

ވޭތުވެދިޔަ 44 އަހަރުގެ ތެރޭގައި އެމްޓީސީސީން އަންނަނީ ރާއްޖޭގެ އެކި ސަރަޙައްދުތަކުގައި، އުމްރާނީ ތަރައްގީގެ ގިނަ މަޝްރޫޢުތަކެއް ކާމިޔާބީއާއެކު ނިންމަމުންކަން ފާހަގަކޮށްލަންޖެހެ އެވެ.