މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އިން ނ. މަނަދޫގައި ހަދާ ފުލުހުންގެ އިމާރާތުގެ މަސައްކަތް ހަލުވިކަމާއެކު ކުރިއަށްދާ ކަމަށް އެ ކުންފުނިން ބުނެފި އެވެ. 

އެމްޓީސީސީން ބުނީ މިހާރު ކުރިއަށްދަނީ އޮފީސް އިމާރާތުގެ ދެވަނަ ފަންގިފިލާގެ ފްރޭމްވޯކް ތައްޔާރުކުރުމާއި ރެއިންފޯސްމެންޓްގެ މަސައްކަތް ކަމަށެވެ.

މަނަދޫގައި ގާއިމްކުރާ ފުލުހުންގެ އިމާރާތާއެކު، ރައްޔިތުންނަށް އިތުރު އަމާންކަމާއި ރައްކާތެރިކަން ގެނެސްދިނުމަށް ބޭނުންވާ ވަޞީލަތްތައް ފޯރުކޮށްދިނުމަށް ފުލުހުންގެ ޚިދުމަތަށް ފަސޭހަވެގެންދާނެއެވެ. 

މިއީ ރާއްޖޭގެ ހުރިހާ ރަށެއްގައި ފުލުހުންގެ ޚިދުމަތް ފުޅާ ކުރެއްވުމަށް ރައީސުލްޖުމާހޫރިއްޔާ ޑރ. މުޙައްމަދު މުޢިއްޒު ފައްޓަވާފައިވާ ސިޔާސަތުގެ ދަށުން ކުރިއަށް ގެންދާ މަޝްރޫއުއެކެވެ.

ރާއްޖޭގައި ކުށްކުރާ މީހުން މަދުކޮށް، ގާނޫނާއި ގަވާއިދަށް ދިވެހިން އުޅުމަށް ބާރު އެޅުމުގެ ގޮތުން ފުލުހުން ދެމުން އަންނަ ޚިދުމަތް ރަނގަޅު ފެންވަރަކަށް ދިނުމަށް ސަރުކާރުންނާއި، ފުލުހުންގެ ވުޒާރާއިން އަންނަނީ ތަފާތު ގިނަ މަސައްކަތްތަކެއް ކުރަމުންނެވެ.