ހދ. ކުރިނބީ ބަނދަރު ތަރައްގީ ކުރުމުގެ މަސައްކަތް ހަލުވިކަމާއެކު ކުރިއަށްދާ ކަމަށް އެ މަސައްކަތުގެ ކޮންޓްރެކްޓަރ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން ބުނެފިއެވެ.

އެމްޓީސީސީން ބުނީ މިހާރު ކުރިއަށް ދަނީ އެއްގަމުތޮށީގައި ގާ އެތުރުމުގެ މަސައްކަތާއި، ޕޭވްމަންޓް ޝަޓަރިންގ އަދި ރެއިންފޯސްމެންޓް މަސައްކަތް ކަމަށެވެ.

މި މަޝްރޫއުގެ ދަށުން ކުރުމަށް ހަމަޖެހިފައިވާ މައިގަނޑު މަސައްކަތްތަކަކީ:

މީގެ އިތުރުން މޫރިންގ ބޮއި ހަރުކުރުމާއި، ނެވިގޭޝަން ލައިޓް ހަރުކުރުމާއި، ރޭމްޕެއް ހެދުމުގެ އިތުރުން މަގުބައްތި ހަރުކުރުންވެސް ހިމެނެއެވެ.

މުޅި މި މަޝްރޫއަށް ގާތްގަނޑަކަށް 42.9 މިލިއަން ރުފިޔާ ޚަރަދުވާނެކަމަށް ސަރުކާރުން ލަފާ ކުރެއެވެ.

ބަނދަރު ތަރައްޤީކުރުމުގެ މަޝްރޫޢު ނިމުމާއެކު، އެރަށު ރައްޔިތުންނަށް އަރާ ފޭބުމުގައި ދިމާވަމުން ދިޔަ އުނދަގޫތަކަށް ހައްލެއް ލިބިގެންދާނެއެވެ.

އެމްޓީސީސީން އަންނަނީ ރާއްޖޭގެ އެކި ރަށް ރަށުގައި ތަރައްޤީގެ ގިނަ މަސައްކަތްތަކެއް ކުރަމުންނެވެ.