މޫނު ނިވާކޮށްގެން ތިބި ބަޔަކު، ވެލާނާ އިންޓަނޭޝަނަލް އެއާޕޯޓުގެ އާ ޓާމިނަލަށް ވަންނަން ދިޔަ ބޭންކެއްގެ މުވައްޒަފުންތަކެއް އަތުން ފައިސާތަކެއް ފޭރިގަތުމަށްފަހު ފިލައިފިއެވެ. 

ފުލުހުން މީޑިއާއާ ހިއްސާކުރި މަޢުލޫމާތުގައި ބުނީ، ފައިސާހުރި ބްރީފްކޭސްތައް އަތުލައިގަތް މައްސަލަ ރިޕޯޓްކުރީ ރޭ ފަތިހު 4:45 ހާއިރު ކަމަށެވެ.

އެއީ ކޮން ބޭންކެއްގެ މުވައްޒަފުންތަކެއް ހާމަކޮށްފައި ނުވިނަމަވެސް، މަޢުލޫމާތު ލިބިފައިވާ ގޮތުގައި ބްރީފްކޭސްތައް ހިފައިގެން ދިޔައީ ބޭންކް އޮފް މޯލްޑިވްސް (ބީއެމްއެލް) ގެ ދެ މުވައްޒަފުންނެވެ. 

ފުލުހުން ދަނީ މި މައްސަލަ ތަޙްޤީގުކުރަމުންނެވެ.