ވިޒިޓް މޯލްޑިވްސްއިން ކޯޕަރޭޝަން (ވީއެމްސީ) އިން ކުރިއަށްގެންދާ ލޯކަލް އެމްބެސެޑަރޝިޕް ޕްރޮގްރާމްގެ ދަށުން، މަޝްހޫރު ދިވެހި ފަންނާނު ޙުސައިން އިހްފާލް އަޙްމަދު (އިއްފަ) ލޯކަލް އެމްބެސެޑަރެއްގެ ގޮތުގައި ހަމަޖައްސައިފި އެވެ.

މި ޕްރޮގްރާމްގެ ބޭނުމަކީ ދިވެހިވަންތަކަމާއި، ދިވެހީންގެ ސަޤާފަތާއި، ރާއްޖޭގެ ރީތިކަން، ތަފާތު ދާއިރާތަކުން ފުންނާބުއުސް ދިވެހީން މެދުވެރިވެ ފަތުރުވެރިންނާހަމައަށް ގެނެސްދިނުމެވެ.

އިފްހާލަކީ ތަފާތު މީޑިއަމްތަކުން ދިވެހިރާއްޖޭގެ ރީތިކަމާއި ދިވެހި ވަންތަކަން ކުރެހުމުގައި މަޝްހޫރުކަން ހޯއްދަވާފައިވާ ފަންނާނެކެވެ. ޚާއްސަކޮށް ކަނޑުއަޑީގައި ކުރެހުމުގައި ދުނިޔޭގެ ސަމާލުކަން ހޯއްދަވާފައިވާ ފަންނާނެކެވެ. ވޭތުވެދިޔަ 20 އަހަރުގެ ތެރޭގައި އިފްހާލް ވަނީ ދިވެހި ރާއްޖޭގެ ތިމާވައްޓާއި، ގުދުރަތީ ރީތިކަންދައްކާދޭ އެކި ބާވަތުގެ ކުރެހުންތައް އަމިއްލަ މަޢުރަޒުތަކާއި، ލައިވް އިވެންޓުތަކާއި ބައިނަލްއަޤްވާމީ މައިދާނުގައިވެސް ދައްކަވާލައްވާފައެވެ.

ދިވެހި ފަތުރުވެރިކަމުގެ ލޯކަލް އެމްބެސަޑަރެއްގެ ގޮތުގައި، ދިވެހި ސަގާފަތާއި، ދިރިއުޅުމުގެ ވައްޓަފާޅީގެ ތަޖުރިބާތައް ފަތުރުވެރިންނާ ހިއްސާކުރުމަށް އިފްހާލް އިސް ދައުރެއް އަދާކުރާނެ ކަމަށާ އަދި އިފްހާލްގެ ޕްރޮފެޝަނަލް ނެޓްވޯކުތައް މެދުވެރިކުރައްވާ ފުޅާ ދާއިރާއެއްގައި ދިވެހިރާއްޖެ ޕްރޮމޯޓްކުރުމަށް މަސައްކަތް ކުރާނެކަމަށް ވީއެމްސީން ބުންޏެވެ.

ލޯކަލް އެމްބެސެޑަރޝިޕް ޕްރޮގްރާމްގެ މަޤްޞަދުތަކަކީ:

ވިޒިޓް މޯލްޑިވްސްއިން މި ޕްރޮގްރާމް ފުޅާކުރުމުގެ ގޮތުން، ރާއްޖޭގައި ފާހަގަކޮށްލެވޭ އެކި ޝަޚްޞިއްޔަތުތައް އައްޔަންކުރަމުން ގެންދާނެ ކަމަށް ވެސް ބުންޏެވެ.