"ފެންބޮޑުވާން ރާޅެއް އެރިހެން. ހަމަހީވަނީ ސުުނާމީއެއްހެން،" ސްޕޭނުގެ ވެލެންސިއާއާ ކައިރީގައި އޮންނަ ކުޑަ އަވަށެއްގައި ޕައިޕޯޓާގައި ދިރިއުޅޭ 21 އަހަރުގެ ގުލިމޯ ސެރަނޯ ޕެރޭޒް ބުންޏެވެ.

ސްޕޭނުގެ ވެލެންސިއާ ސަރަހައްދުގައި އަންގާރަ ދުވަހުގެ ރޭ ފެންބޮޑުވެ އެތައް ބަޔަކު ހާލުގައި ޖެހި 95 މީހުން ވަނީ މަރުވެފަ އެވެ. 

ވާރޭ ވެހި ފެންބޮޑުވަމުން ދިޔަ އިރު ޕެރޭޒް ދިޔައީ އޭނާގެ މައިންބަފައިން ކައިރިއަށް ޒިޔާރަތް ކުރަމުންނެވެ. ފެންގަނޑުން އޭނާ ސަލާމަތްވީ ދުއްވަމުން ދިޔަ ކާރު ދޫކޮށްލުމަށް ފަހު ބްރިޖެއްގެ މަައްޗަށް އެރުމުންނެވެ. 

ވެލެންސިއާ ސަރަހައްދުގައި ފެންބޮޑުވާނެ ކަމުގެ އިންޒާރު ސްޕޭނުގެ މޫސުމާ ބެހޭ އެޖެންސީން އަންގާރަ ދުވަހު ދިނެވެ. 

ފެންބޮޑުވަމުން ދިޔަ އިރު ސްޕޭނުގެ އިމަޖެންސީ ޚިދުމަތުން ދިޔައީ އެހީތެރިކަން ފޯރުކޮށްދެމުންނެވެ. ނަމަވެސް ކުޑަ ވަގުތުކޮޅެއްގެ ތެރޭގައި ވަނީ މީޓަރަކަށް ވުރެ ބޮޑަށް ބައެއް ހިސާބުތަކުގައި ފެންބޮޑުވެފަ އެވެ. ފެންބޮޑުވުމާ އެކު ބައެއް ހިސާބުތަކުގައި ވަނީ ބައެއް މީހުން އޮޔާ ދަމައިގެންފަ އެވެ. 

ސަލާމަތްވި މީހުން ވެސް ބުނެފައި ވަނީ އެ މީހުން ތިބީ ގޮތެއް ނެތިފައި ކަމަށެވެ.