ENGLISH
04 އޭޕްރީލު 2025
ވެރޯނާ ބަލިކޮށް، ޔުވެންޓަސް އަލުން ހަތަރުވަނަ އަށް
04 މާރިޗު 2025
|
ރޭގެ މެޗުގައި ޔުވެންޓަސްގެ ކޫޕްމެއިނާސް، ވެރޯނާގެ ގޯލަށް ބޯޅަ ފޮނުވާލަނީ. --ފޮޓޯ: ރޮއިޓާސް
އެންމެ މަޤްބޫލު
އިޓާލިއަން ލީގުގައި ހެލާސް ވެރޯނާ 2-0 އިން ބަލިކޮށް، ޔުވެންޓަސް އަލުން ތާވަލްގެ ހަތަރުވަނަ އަށް ޖެހިލައިފިއެވެ.
މިއީ 2021 ވަނަ އަހަރުގެ ފަހުން، އަހަރުގެ ކުރީކޮޅު، ލީގުގައި ޔުވެންޓަސްގެ ދަނޑުގައި އެ ޓީމު އެންމެ ފުރަތަމަ ކުޅުނު ހަތަރު މެޗުން މޮޅުވި ފުރަތަމަ ފަހަރެވެ.
ޔުވެންޓަސްގެ އެލިއާންޒް ސްޓޭޑިއަމްގައި ރޭ ކުޅުނު މެޗުގައި ގިނަ ވަގުތު އެ ޓީމުން ބޯޅަ ގެންގުޅެ، ގިނަ ހަމަލާތައް އުފައްދާފައިވީ ނަމަވެސް، ގޯލަށް އަމާޒުކޮށް ފޮނުވާލެވުނީ މަދު ބޯޅަތަކެކެވެ. އޭގެތެރެއިން، ބައެއް ހަމަލާތައް ވެރޯނާގެ ގޯލްކީޕަރު، ލޮރެންޒޯ މޮންޓިޕޯ ވަނީ ހުއްޓުވައިފައެވެ.
ރޭގެ މެޗުގައި ޔުވެންޓަސް އިން ޖެހި ހުރިހާ ގޯލެއް ވެސް ކާމިޔާބުކުރީ ފަހު ހާފުގައެވެ.
މެޗުގެ 72 ވަނަ މިނެޓުގައި ޔުވެންޓަސް އިން ލީޑު ނެގީ ފްރާންސްގެ މިޑްފީލްޑަރު، ހެފްރެން ތުރާމް ވައްދާލި ލަނޑުންނެވެ.
ޔުވެންޓަސްގެ ދެވަނަ ލަނޑު، މެޗުގެ އެންމެ ފަހު މިނެޓުގައި ކާމިޔާބުކޮށްދިނި ޓެއުން ކޫޕްމެއިނާސް އެވެ.
މި މޮޅާއެކު، ޔުވެންޓަސް ވަނީ ހަތަރުވަނަ އަށް ކުރިއަށް ޖެހިލައިފައެވެ. އެ ޓީމަށް 27 މެޗުން ލިބިފައިވަނީ 52 ޕޮއިންޓެވެ. ޔުވެންޓަސްއާ އެންމެ ކުރީގައި އުޅޭ އިންޓަރ މިލާނާ ދެމެދު ހަ ޕޮއިންޓްގެ ފަރަގެއް އެބައޮތެވެ.