ދެކުނު އެމެރިކާ ސަރަހައްދުގެ ވޯލްޑް ކަޕް ކޮލިފައިން މެޗުތަކަށް ލިއޮަނަލް މެސީ ހިމެނޭގޮތަށް އާޖެންޓީނާ އިން ވަގުތީ ސްކޮޑެއް އިއުލާންކޮށްފިއެވެ.

ކޮލިފައިންގައި އުރުގުއޭ އާއި ބްރެޒިލާ ދެކޮޅަށް ކުރިއަށް އޮތް މެޗުތަކަށް އާޖެންޓީނާގެ ކޯޗު، ލިއޮނަލް ސްކަލޯނީ ނެގި 33 ކުޅުންތެރިންގެ ވަގުތީ ސްކޮޑުގައި ޒުވާން ގިނަ ކުޅުންތެރިންތަކެއް ވަނީ ހިމަނައިފައެވެ.

އެގޮތުން، ދާދިފަހުން މެންޗެސްޓަރ ސިޓީއާ ގުޅުނު ޒުވާން ފޯވާޑް، ކްލައުޑިއޯ އެޗެވެރީ އާއި އުމުރުން 21 އަހަރުން ދަށުގެ ކުޅުންތެރިން ކަމަށްވާ، ނިކޮލަސް ޕާޒް، ބެންޖަމިން ޑޮމިންގޭޒް އަދި ސަންޓިއާގޯ ކާސްޓްރޯ އަށް ވަނީ މި ފަހަރުގެ ސްކޮޑުން ފުރުސަތު ދީފައެވެ.

މިހާތަނަށް ކޮލިފައިންގައި ކުޅުނު މެޗުތަކަށްފަހު، 12 މެޗުން 25 ޕޮއިންޓާއެކު އެއްވަނައިގައި އާޖެންޓީނާ އޮތްއިރު، ފަސް ޕޮއިންޓް ފަހަތުން ދެވަނައިގައި އޮތީ އުރުގުއޭ އެވެ. ތިންވަނައިގައި އޮތް އެކުއޭޑޯ އަށް 19 ޕޮއިންޓް ލިބިފައިވާއިރު، ހަމަ މިއަދަދަށް ޕޮއިންޓް ލިބިގެން ފައިދާގޯލްގެ ތަފާތުން ހަތަރުވަނައިގައި އޮތީ ކޮލަމްބިއާ އެވެ. ބްރެޒިލް އޮތީ 18 ޕޮއިންޓާއެކު ފަސްވަނައިގައެވެ.

އާޖެންޓީނާގެ ސްކޮޑު:

ގޯލްކީޕަރު: އެމިލިއާނޯ މާޓިނޭޒް (އެސްޓަން ވިލާ)، ޖެރޮނިމޯ ރުއްލީ (އޮލިމްޕިކް މާސޭ)، ވޯލްޓާ ބެނީޓޭޒް (ޕީއެސްވީ އެއިންދޯވަން)

ޑިފެންޑަރުން: ނަހުއެލް މޮލީނާ (އެތުލެޓިކޯ މެޑްރިޑް)، ގޮންޒާލޯ މޮންޓިއެލް (ރިވާ ޕްލޭޓް)، ކްރިސްޓިއަން ރޮމޭރޯ (ޓޮޓްނަމް ހޮޓްސްޕަރ)، ޖާމަން ޕެޒެއްލާ (ރިވާ ޕްލޭޓް)، ލިއޮނާޑޯ ބަލާޑީ (އޮލިމްޕިކް މާސޭ)، ހުއާން ފޮއިތު (ވިޔަރެއާލް)، ނިކޮލަސް އޮޓަމެންޑީ (ބެންފީކާ)، ފަކުންޑޯ މެޑީނާ (ލޯންސް)، ނިކޮލަސް ޓަގްލިއަފީކޯ (އޮލިމްޕިކް ލިޔޯން)، ފްރާންސިސްކޯ އޯޓޭގާ (އޮލިމްޕިއާކޯސް)

މިޑްފީލްޑަރުން: ލެއަންޑްރޯ ޕަރެޑޭސް (ރޯމާ)، އެންޒޯ ފެނާންޑޭޒް (ޗެލްސީ)، ރޮޑްރިގޯ ޑެ ޕޯލް (އެތުލެޓިކޯ މެޑްރިޑް)، އެޒެކީލް ޕަލާސިއޯސް (ބަޔާ ލެވަކޫސަން)، އަލެކްސިސް މެކްއެލިސްޓާ (ލިވަޕޫލް)، ޖިއޮވާނީ ލޮ ސެލްސޯ (ރެއާލް ބެޓިސް)، މެކްސިމޭ ޕެރޯން (ކޯމޯ)، ޖިއުލިއާނޯ ސިމިއޯނީ (އެތުލެޓިކޯ މެޑްރިޑް)، ބެންޖަމިން ޑޮމިންގޭޒް (ބޮލޯނިއާ)، ތިއާގޯ އަލްމާޑާ (އޮލިމްޕިކް ލިޔޯން)

ފޯވާޑުން: އަލެހަންދްރޯ ގާނާޗޯ (މެންޗެސްޓަރ ޔުނައިޓެޑް)، ނިކޮލަސް ގޮންޒާލެޒް (ޔުވެންޓަސް)، ލިއޮނަލް މެސީ (އިންޓަރ މިއާމީ)، ނިކޮލަސް ޕާޒް (ކޯމޯ)، ކްލައުޑިއޯ އެޗެވެރީ (މެންޗެސްޓަރ ސިޓީ)، ޕައުލޯ ޑިބާލާ (ރޯމާ)، ހޫލިއަން އަލްވަރޭޒް (އެތުލެޓިކޯ މެޑްރިޑް)، ލަޓާރޯ މާޓިނޭޒް (އިންޓަރ މިލާން)، ސަންޓިއާގޯ ކާސްޓްރޯ (ބޮލޯނިއާ)، އެންހެލް ކޮރިއާ (އެތުލެޓިކޯ މެޑްރިޑް).