ENGLISH

04 އޭޕްރީލު 2025

Advertisement

ސީޒަން ނިމުމުގެކުރީން ރޮޑްރީ ފިޓްވާނެ ކަމަށް ގާާޑިއޯލާ އުއްމީދުކުރޭ

03 މާރިޗު 2025

|

މުޙައްމަދު އަދުހަމް

މެންޗެސްޓަރ ސިޓީގެ މިޑްފީލްޑަރު، ރޮޑްރީ. --ފޮޓޯ: ރޮއިޓާސް

މެންޗެސްޓަރ ސިޓީގެ ސްޕެއިން މިޑްފީލްޑަރު، ރޮޑްރީ އަށް ލިބިފައިވާ އަނިޔާއިން ރަނގަޅުވެ، ސީޒަން ނިމުމުގެ ކުރިން ކުޅުމަށް އެނބުރި އަންނާނެ ކަމުގެ އުއްމީދު އެބައޮތް ކަމަށް އެ ޓީމުގެ ކޯޗު، ޕެޕް ގާޑިއޯލާ ބުނެފިއެވެ.

ގާޑިއޯލާ މިހެން ބުނީ، އިނގިރޭސި އެފްއޭ ކަޕްގެ ފަސްވަނަ ބުރުގައި ޕްލައިމަތު އާގައިލް އަތުން ސިޓީ މޮޅުވި މެޗަށްފަހު ބޭއްވި ނޫސްވެރިންގެ ބައްދަލުވުމުގައެވެ.

މިދިޔަ ސެޕްޓެމްބަރު މަހުގެ ތެރޭގައި ކުރިމަތިވި ކަކުލުގެ އޭސީއެލް އަނިޔާއާ ގުޅިގެން ކުރިން ބެލެވިފައި އޮތީ މި ސީޒަނުގައި ދެން ރޮޑްރީ ނުފެންނާނެ ކަމަށެވެ. އަދި ސިޓީގެ ކޯޗު، ގާޑިއޯލާ އޭރު ވަނީ ރޮޑްރީ ދެން މި ސީޒަނުގައި ދަނޑުމަތިން ނުފެންނާނެ ކަމަށް ބުނެފައެވެ.

އެހެންނަމަވެސް، މިހާރު ރޮޑްރީ އަމިއްލަ އަށް ފަރިތަކުރަން ފަށައިފައިވާކަން ގާޑިއޯލާ ވަނީ މި ހަފްތާ ބަންދުގައި ކަށަވަރުކޮށްދީފައެވެ. 

ގާޑިއޯލާ ވަނީ، ރޮޑްރީ ކުޅުމުގެ ތެރެއަށް ސީޒަން ނުނިމެނީސް އަންނާނެ ކަމަށް ކުރިން ހީނުކުރި ނަމަވެސް، އޭނާ ގަބޫލުކުރާގޮތުގައި މި ސީޒަން ނިމުމުގެކުރިން ދަނޑުމަތީން އޭނާ ފެންނާނެ ކަމަށް ބުނެފައެވެ.

ރޮޑްރީގެ އެނބުރިއައުމާ ގުޅޭގޮތުން ގާޑިއޯލާ ބުނީ، އެކަމާ ހިތްހަމަޖެހުމާއި އުފާ ފާޅުކުރަނީ ހަމައެކަނި ސަޕޯޓަރުން ނޫން ކަމަށާއި، ޚުދު ގާޑިއޯލާ ވެސް އެކަމާ ވަރަށް ބޮޑަށް އުފާވާ ކަމަށެވެ.

ރޮޑްރީ ދަނޑުމަތިން ފެންނަން ބޭނުންވި ނަމަވެސް، ގާޑިއޯލާ ބުނީ، ރޮޑްރީގެ ރިކަވަރީގެ ކަންތައްތަކާ މެދު މުޅި ކުލަބުން ވެސް ވަރަށް ބޮޑަށް ފަރުވާތެރިވާނެ ކަމަށެވެ.

ކިޔުންތެރިންގެ ހިޔާލު